Հյուսիսային Կորեայի ղեկավար Կիմ Չեն Ընը ԱՄՆ նախագահ Դոնալդ Թրամփից նամակ է ստացել, հայտնում է Կորեայի կենտրոնական հեռագրային գործակալությունը:
Նշվում է, որ Թրամփի նամակը ԿԺԴՀ ղեկավարին հանձնել է Կուսակցության ԿԿ փոխնախագահ Կիմ Են Չխորը, որը Վաշինգթոն էր մեկնել երկրորդ ամերիկա-կորեական գագաթաժողովի քննարկման համար:
«Կիմ Են Չխորն անձամբ հանձնել է ԱՄՆ նախագահ Դոնալդ Թրամփի նամակը», — նշվում է գործակալության կայքում:
Կորեայի կենտրոնական հեռագրային գործակալությունը նշել է, որ Կիմ Չեն Ընը գոհ է եղել Թրամփի հրաշալի նամակից:
Հյուսիսկորեացի առաջնորդը նաեւ վճռականություն եւ կամք է արտահայտել ԱՄՆ-ի հետ մի շարք հարցերի վերաբերյալ փոխզիջման հասնելու համար: