«Հայ քաղաքական գործիչը հացադուլից հետո մահացավ» վերնագրով նյութը՝ «Հայկական արծիվներ․ Միացյալ Հայաստան» կուսակցության նախագահ, Haynews.am կայքի համակարգող Մհեր Եղիազարյանի մահվան մասին, հրապարակվել է The Washington Post-ում։
«Հայաստանի որ մեծ քաղաքական կուսակցության առաջնորդը մահացավ բանտում՝ հացադուլից հետո, որը տեւեց մոտ երկու ամիս», - մասնավորապես, նշված է հրապարակմնա մեջ, որը տպագրել է Washington Post-ը՝ հղում անելով AP-ին:
Մհեր Եղիազարյանը մահացավ հացադուլի 44-րդ օրը: Մոտ ժամը 18: 15-ին արձանագրվել է 51-ամյա Եղիազարյանի վիճակի վատթարացում: Շտապօգնության խումբը հայտնել տղամարդու կենսաբանական մահվան մասին: Միջադեպի կապակցությամբ ընթանում է հետաքննություն, նշանակված է փորձաքննություն։
Մհեր Եղիազարյանը ձերբակալվել է դեկտեմբերին: Ըստ Ազգային անվտանգության ծառայության հաղորդագրության, «Հայկական արծիվներ․ Միացյալ Հայաստան» կուսակցության փոխնախագահ, Haynews.am կայքի համակարգող Մհեր Եղիազարյանը 2014-ի փետրվարից մինչեւ 2018-ի հոկտեմբերը, անձամբ կամ այլ անձանց միջոցով, մի շարք քաղաքացիների, այդ թվում`զինծառայողների վստահությունը չարաշահելու համար, աշխատանքի տեղավորման կամ ծառայության մեջ առաջխաղացման պատրվակով, շորթել է 180 հազար դրամից մինչեւ 10 հազար դոլար`ընդհանուր առմամբ՝ 4 միլիոն 775 հազար դրամ: Միջադեպի կապակցությամբ քրեական գործ է հարուցվել ՀՀ քրեական օրենսգրքի 178-րդ հոդվածի 1-3 մասով եւ 34-312 հոդվածի 1-3 մասով: