Գերմանիայի իշխանությունները մշակում են տիեզերական տարածության մասին ազգային օրենքի նախագիծ: Այն հաջորդ տարի կներկայացվի Բունդեսթագի քննարկմանը, dp գործակալությանը հաղորդել է Տիեզերագնացության եւ օդագնացության հարցերով դաշնային կառավարության լիազոր ներկայացուցիչ Թոմաս Յարզոմբեկը:
Օրինագիծը նախապատրաստող Գերմանիայի էկոնոմիկայի նախարարությունը մտադիր է ձեւակերպել այն այնպես, որ այն հնարավորինս քիչ բյուրոկրատական խոչընդոտներ պարունակի՝ աէրոկոսմիկական նախագծերում մասնավոր ներդրումների համար: Միեւնույն ժամանակ, օրենքում չեն լինելու դրույթներ, որոնք կարգավորում են տիեզերքում ռեսուրսների արդյունահանումը, ինչպես որ պահանջում են աէրոկոսմիկական ոլորտի ընկերությունները: Փոխարենը, Բեռլինում ակնկալում են ՄԱԿ-ի մակարդակով համապատասխան պայմանավորվածություններ ձեռք բերել, հաղորդում է DW-ն:
Առանձին պետությունների կողմից ընդունված նմանատիպ օրենքների քննադատները ցույց են տալիս, որ Տիեզերական տարածության, ներառյալ՝ Լուսինը եւ երկնային այլ մարմիններ, հետազոտման եւ շահագործման ոլորտում պետությունների գործունեության սկզբունքների մասին պայմանագիրը, որը ստորագրվել է 1967 թվականին՝ Միացյալ Նահանգների, ԽՍՀՄ-ի եւ Մեծ Բրիտանիայի կողմից, պարունակում է բոլոր անհրաժեշտ նորմերը: Համաձայն դրա, տիեզերքի ռեսուրսները պետք է հասանելի լինեն բոլորին: Ներկայումս այս պայմանագրին միացել են ավելի քան 100 երկրներ: