SpaceX ընկերության ղեկավար Իլոն Մասկը Թվիթերում երկուշաբթի օրը տեսանյութ եւ լուսանկար է տեղադրել Raptor շարժչի վերջին մոդիֆիկացիայի փորձարկումից, որը նախատեսվում է օգտագործել մշակվող Starship տիեզերական համակարգում, տեղեկացնում է ՏԱՍՍ-ը։

«Raptor-ի առաջին կրակային փորձարկումը Starship տիեզերանավի համար, գրել է Մասկը։- Շատ եմ հպարտանում այն հսկայական աշխատանքով, որ կատարել է SpaceX թիմը»։

Ենթադրվում է, որ տիեզերական համակարգը, որն ստեղծում են ընկերության կոնստրուկտորները, բաղկացած կլինի Super Heavy գերծանր հրթիռակրից եւ Starship նավից։ Հեռանկարային շարժչի փորձարկումներն արդեն մի քանի տարի իրականացվում են Տեխաս նահանգում, SpaceX փորձադաշտում։