Royal Caribbean կրուիզային ընկերությունը աշխատող է փնտրում, որը 3 շաբաթ պետք է ծովային ճանապարհորդություններ կատարի եւ դրանց մասին պատմի համացանցում՝ ամսական 6900 եվրո աշխատավարձով:
Royal Caribbean ընկերությունը մտադիր է աշխատանքի ընդունել «ափի հետազոտողի», որը երեք շաբաթով ճանապարհորդության կմեկնի եւ կհետազոտի աշխարհի տարբեր երկրների ծովափերը, հայտնում է Turizm-ը: Աշխատողը պետք է ամեն օր իր տպավորությունները հայտնի համացանցում, հրապարակի իր արկածների տեսանյութերը եւ ուղեւորություններից ուղիղ եթերներ վարի: Հաջողակ թեկնածուն պետք է այցելի Ալյասկայում սառցադաշտեր, Ճապոնիայում՝ Օսակա, նորվեգական ծովախորշեր եւ Դուբայ: Նշանակման վայրերի թվում է նաեւ Կարիբյան ծովում Կոկոկեյ մասնավոր կղզին, որը պատկանում է Royal Caribbean-ին:
«Ափի հետազոտողի» թափուր տեղին արձագանքելու համար անհրաժեշտ է Instagram-ում հրապարակել սեփական ճանապարհորդության պատմությունը: Դա կարող է լինել տեսանյութ կամ լուսանկար՝ @RoyalCaribbeanUK եւ #ShoreExplorer հեշթեգներով: Դիմումը կարելի է ներկայացնել մինչեւ մարտի 1-ը ներառյալ: Թեկնածուները պետք է 21 տարեկանից մեծ լինեն եւ ունենան գործող արտասահմանյան անձնագիր: Ճանապարհորդությունը մեկնարկում է 2019 թվականի ամռանը:
