News
Լրահոս
News
Ուրբաթ
Փետրվար 22
Տեսնել լրահոսը

Մեքսիկայի սահմանին պատնեշը կկառուցվի՝ անկախ այն հանգամանքից, թե Կոնգրեսում այս հարցով ինչ պայմանավորվածությունների են հասել դեմոկրատներն ու հանրապետականները, երեքշաբթի Թեխասում իր կողմնակիցների հանրահավաքին հայտարարել է ԱՄՆ նախագահ Դոնալդ Թրամփը:

«Մենք ցանկացած դեպքում պատը կկառուցենք: Նրանք ասում են, որ առաջընթացի կհասնեն: Ես ասացի՝ սպասեք, ես պետք է գնամ Թեխասի իմ մարդկանց մոտ, ես պետք է գնամ, այնպես որ՝ այդ մասին լսել չեմ ուզում: Այնպես որ՝ ես չգիտեմ, թե նրանք ինչ նկատի ունեն՝ ասելով «կհասնեն զգալի առաջընթացի»… Ով գիտի, գուցե դա լավ նորություն է»,- ասել է նա:

Ավելի վաղ հաղորդվել էր, որ սահմանին անվտանգության ապահովման հարցում դեմոկրատներն ու հանրապետականները հասել են սկզբունքային պայմանավորվածությունների, ինչը, նրանց կարծիքով, կօգնի փետրվարի 15-ին խուսափել դաշնային գերատեսչությունների աշխատանքի հերթական դադարեցումից («շաթդաունից»):

AP-ի տեղեկություններով՝ օրենսդիրները համաձայնության են եկել պատի կառուցման համար մոտ 1,4 մլրդ դոլարի հատկացման շուրջ՝ վարչակազմի պահանջած 5,7 մլրդ դոլարի փոխարեն: Եթե Թրամփն այս տարբերակը չստորագրի, ապա երկու պալատները պետք է ապահովեն ոչ պակաս երկու երրորդ ձայներ, որպեսզի որոշումն առաջ մղեն:

!
Այս նյութը հասանելի է նաև   Русский
Տպել