News
Լրահոս
News
Կիրակի
Փետրվար 17
Տեսնել լրահոսը

Նյու Յորքի նախկին քաղաքապետ, միլիարդատեր Մայքլ Բլումբերգը սեփական միջոցներից առնվազն 500 միլիոն դոլար կծախսի, որպեսզի կանխի ԱՄՆ նախագահ Դոնալդ Թրամփի՝ երկրորդ ժամկետով նախագահ ընտրվելը, տեղեկացնում է Politico պարբերականը՝ հղում կատարելով Դեմոկրատական կուսակցության՝ Բլումբերգի ծրագրերին ծանոթ աղբյուրներին, հաղորդում է ՌԻԱ «Նովոստի»-ն։

Մայքլ Բլումբերգը դեռ չի հայտարարել՝ մասնակցելո՞ւ է արդյոք Դեմոկրատական կուսակցության փրայմերիզին։ Պարբերականի տվյալներով՝ մասնակցության դեպքում Բլումբերգը կօգտագործի 500 միլիոն դոլար սեփական քարոզարշավի համար՝ 2020 թվականի նախնական ընտրությունների ժամանակ։ Նշվում է, որ դա մոտավորապես 175 միլիոնով գերազանցում է Թրամփի ընտրարշավի ծախսերը 2016-ի ողջ ընտրաշրջանի համար։

Եթե Բլումբերգը հրաժարվի մասնակցել նախագահական մրցավազքին, այդ դեպքում նա մտադիր է գործի դնել աննախադեպ տեղեկատվական արշավ՝ ի պաշտպանություն դեմոկրատների թեկնածուի։

ԱՄՆ նախագահի ընտրությունները տեղի կունենան 2020 թվականի նոյեմբերին։ Ինչպես սպասվում է, նախագահ Դոնալդ Թրամփը կառաջադրվի երկրորդ ժամկետի համար, Հանրապետական կուսակցությունից։

!
Այս նյութը հասանելի է նաև   Русский
Տպել
Ամենաշատ