Բելառուսն ակնկալում է, որ հայկական կողմն առաջիկայում կհայտնի Բելառուի ԱԽ պետքարտուղար Ստանիսլավ Զասի հետ հանդիպման ժամկետների մասին: Այսօր այս մասին ճեպազրույցին հայտնել է ԱԳՆ-ի Տեղեկատվության եւ թվային դիվանագիտության վարչության պետ եւ մամուլի քարտուղար Անատոլի Գլազը, հաղորդում է ԲԵԼՏԱ-ն:
Բելառուսը Ստանիսլավ Զասի թեկնածությունն առաջարկում է ՀԱՊԿ գլխավոր քարտուղարի պաշտոնում: Գլազն ընդգծել է, որ Զասը հանդիպումներ է անցկացրել հինգ պետոթյունների ղեկավարների հետ, որոնք աջակցել են նրա թեկնածությունը:
«ՀԱՊԿ-ն արդեն երկար ժամանակ է աշխատում է առանց գլխավոր քարտուղարի,-նկատել է Գլազը: Իրավիճակը հօգուտ կազմակերպության չէ եւ անհապաղ լուծում է պահանջում: Առավել եւս, ու Աստանայում եւ Սանկտ Պետերբուրգում հանդիպումների ժամանակ ՀԱՊԿ երկրների ղեկավարները կողմ են արտահայտվել Բելառուսի թեկնածուին»:
Գլազը հիշեցրել է, որ դեռ անցյալ տարվա դեկտեմբերին Հավաքական անվտանգության խորհրդում նախագահող Ղրղզստանի նախագահի կարգադրությամբ ՀԱՊԿ քարտուղարությունը գլխավոր քարտուղարի պաշտոնում Ստանիսլավ Զասի նշանակման մասին որոշումների անհրաժեշտ նախագծեր էր պատրաստել:
«Ստանիսլավ Զասն անհապաղ պետությունների ղեկավարների հետ հանդիպումներ է անցկացրել հինգ մայրաքաղաքներում։ Բոլոր նախագահները նրա թեկնածությունը պաշտպանել են։ Այն համատեքստում, որ անցած տարվա դեկտեմբերին Հայաստանում տեղի ունեցան խորհրդարանական ընտրություններ, իսկ հետո ձեւավորվեց կառավարությունը, մենք ըմբռնումով վերաբերվեցինք նրան, որ Հայաստանի վարչապետը հնարավորություն չունեցավ հանդիպել բելառուս թեկնածուի հետ։ Հիմա այդ շրջանն ավարտվել է։ Ուստի, մենք սպասում ենք, որ հայկական կողմն արդեն առաջիկայում կտեղեկացնի այդ հանդիպման ժամկետի մասին»,- նշել է Անատոլի Գլազը։
ԱԳՆ պաշտոնական ներկայացուցիչն ընդգծել է, որ Բելառուսը մտադիր է Երևանի հետ կառուցողական փոխգործակցության։ «Հույս ունենք, որ կկարողանանք փոխըմբռնում գտնել։ Չէ՞ որ միջազգային ռազմաքաղաքական կազմակերպության գլխավոր քարտուղարի պաշտոնը հյուրանոցի սենյակ չէ, որը կարելի է պատվիրել, անգամ եթե չկա դրանից նորից օգտվելու ոչ մի հնարավորություն»,- ասել է Անատոլի Գլազը։ Միեւնույն ժամանակ, նա ընդգծել է, որ կազմակերպության անդամ պետությունները շահագրգռված են, որպեսզի ՀԱՊԿ գործունեության այս, ընդհանուր առմամբ, տեխնիկական պահը հետագայում չանդրադառնա կազմակերպության աշխատանքի եւ նրա մասնակիցների երկկողմ հարաբերությունների վրա։
