Չեմ կարծում, թե թույլ ԵՄ-ն համապատասխանում է ԱՄՆ շահերին։ Այս մասին Վաշինգտոն այցի նախօրեին Die Presse-ին տված հարցազրույցում հայտարարել է Ավստրիայի կանցլեր Սեբաստիան Կուրցը։
Նա նախագահ Դոնալդ Թրամփի արտաքին քաղաքականությունը շատ հաջողված է համարել։ Կուրցի խոսքերով, իր այցի նպատակներից մեկը առեւտրային պատերազմը կանխելն է, քանի որ այն կարող է «սպառնալիքի տակ դնել Ավստրիայում հազարավոր բանվորական աշխատատեղեր»։
Ավստրիացի առաջնորդի խոսքերով, «Թրամփը որոշ առումով շատ ակտիվ եւ շատ հաջողված արտաքին քաղաքականություն է վարում»։ Որպես օրինակ, նա բերել է ԱՄՆ երկարատեւ ջանքերը, որպեսզի ՆԱՏՕ-ի դաշնակիցները մեծացնեն պաշտպանության համար ծախսերը։ Նա նշել է, որ միայն Թրամփի սպառնալիքները արդյունք տվեցին։
Այն հարցին, թե համարում է արդյոք նա, որ Թրամփն ուզում է թուլացնել ԵՄ-ն, Կուրցը պատասխանել է․ «Չեմ կարծում, թե թույլ ԵՄ-ն համապատասխանում է Ամերիկայի շահերին»։