News
Լրահոս
News
Երեքշաբթի
Մարտ 19
Տեսնել լրահոսը


Այսօր Նիկոլ Փաշինյանի և իշխանության թշնամին ոչ Ռոբերտ Քոչարյանն է, ոչ Սերժ Սարգսյանը, ոչ «Լուսավոր Հայաստանը». Նիկոլ Փաշինյանի թիվ մեկ թշնամին ընդդիմադիր Նիկոլ Փաշինյանն է: Այս մասին այսօր՝ փերվարի 19-ին, ֆեյսբուքյան իր տեսանյութում ասել է «Ակունք» քաղաքական վերլուծությունների կենտրոնի ղեկավար, ԱԺ նախկին պատգամավոր Ռուբեն Հակոբյանը. «Դե ֆակտո քայլ է անում Նիկոլ Փաշինյանը՝ ջախջախել ընդդիմադիր Նիկոլ Փաշինյանին, բայց հավատացնում եմ, որ չի ստացվի, ավելի շուտ ընդդիմադիր Նիկոլ Փաշինյանը քեզ կջախջախի, եթե շարունակեք այն քաղաքական կուրսը, այն կեցվածքը, ինչ դուք այսօր իրականացնում եք»,- նշել է նա:

Հակոբյանի խոսքով՝ 40-45 տոկոս ստվերային տնտեսություն ունենք, իսկ վարչապետը հայտարարում է, որ կոռուպցիան վերացված է Հայաստանում, ինչը ենթադրում է, որ պետբյուջեն 25-30 տոկոսով պետք է ավելանար, սակայն չի ավելացել. «Երկու տարբերակ կա. կամ դա կեղծ էր, իսկ ես չեմ հավատում, որ դա կեղծ էր, մենք լիքը ստվերային տնտեսություն ունենք, կամ ստվերային տնտեսությունը կա, ուղղակի ոչ թե Բաղրամյան 26 է գնում, այլ ինչ–որ ուրիշ տեղ»:

Անդրադառնալով Նիկոլ Փաշինյանի՝ ԱԺ-ում ունեցած ելույթին, նա ասել է, որ ինքը համամիտ է որոշ շեշտադրումների հետ, որ յուրաքանչյուր քաղաքացի պետք է գիտակցի՝ եթե ուզում է ունենալ հզոր կայացած պետություն ու պետականություն, ապա անհատը որպես քաղաքացի պարտավոր է պայքարել դրա համար: Այնուամենայնիվ, նրա խոսք ով, Նիկոլ Փաշինյանի ելույթն ագրեսիվ էր. «Երբ համեմատում եմ Նիկոլ Փաշինյանի ելույթը նախկին կառավարության ղեկավարների ելույթների հետ, պետք է ասեմ, որ այսքան ագրեսիա, ընդդիմության նկատմամբ այդքան արհամարհանք և անհանդուրժողականություն, պրկված նարցիսիզմ և ինքնասիրահարվածութուն, անկեղծ, ես չէի տեսել: Դա ի՞նչ պահվածք է ԱԺ-ում, էդ ո՞նց եք խոսում պատգամավորների հետ, դուք ձեզ ինչի՞ տեղ եք դրել,  ձեզ հետ երբևէ իշխանությունն այդպես խոսե՞լ է, խորհուրդ կտամ փոխեք, դա սազական չէ, եթե չեք հարգում ձեզ կամ ընդդիմությանը, գոնե հարգեք ձեր կարգավիճակը: Անհարիր է պետության առաջին դեմքին այդպես լարված ու ջղաձգված, սարսափելի տեսք տալով դեմքին խոսել ընդդիմության հետ, արհամարհական և անհանդուրժող լինել ընդդիմության նկատմամբ»,-ասել է նա:

Ռուբեն Հակոբյանը խոսել է նաև արտաքին քաղաքականության մասին՝ նշելով, որ վարչապետն այն պետք է վերանայի. «Արտաքին քաղաքականության մեջ չափից դուրս համեստ կարողություն ունեք, 25 տարի եղել եմ քաղաքականության մեջ, չեմ հիշում, որ Հայաստանի նկատմամբ սառը և հակասական վերաբերմունք դրսևորեն Ռուսաստանն ու ԱՄՆ-ը: Չասեք, որ հայամետ քաղաքականություն եք վարում, դրանից է, ուղղակի չունեք կոնցեպտ»,-ասել է նա՝ հավելելով, որ եթե ներքին քաղաքանության մեջ հնարավոր է ուղղել սխալները, ապա դա անդառնալի է արտաքին քաղաքականության համար:

Նա Նիկոլ Փաշինյանին հորդորել է նաև վերացնել զարմիկներին, տղաներին, աներձագներին, ընտանիքի անդամներին քաղաքական դաշտ բերելու լճացած ինստիտուտը. «Ես կարծում եմ, որ Նիկոլ Փաշինյանին հարց տված կլինեն՝ ինչպե՞ս եղավ, որ զարմիկդ հայտնվեց խորհրդարանում, երևի շատ լավ երիտասարդ է, բան չունեմ ասելու, բայց քաղաքականությանն անհայտ և պարզվում է, որ Տավուշում հավաքում է բոլորից շատ քվե և ընտրվում է պատգամավոր, ինչի՞ շնորհիվ: Բոլորիս մոտ կա այն տպավորությունը, տավուշցին իրավունք ունի մտածելու, որ մեկ առավելություն է ունեցել, որովհետև Նիկոլ Փաշինյանի ազգականն է: Այո, Նիկոլ Փաշինյանն ուզել է, որ որպես վարչապետ, իր զարմիկը նույնպես տեղ ունենա ԱԺ-ում»:

Հակոբյանի կարծիքով՝ Նիկոլ Փաշինյանը Արցախի ՊԲ նախկին գլխավոր հրամանատար Լևոն Մնացականյանին պաշտոնից հեռացրեց այն բանի համար, որ նա ընդվզեց. « Հիշո՞ւմ եք, երբ Լևոն Մնացակայնանն ընդվզեց այն հիմարության դեմ, որ ռադիոտուն գրավելը կամ արագաչափերը փակելը շատ ավելի կարևոր է, քան Շուշիի ազատագրումը, քան Արցախի շուրջ անվտանգության գոտի ստեղծելը, դուք ուղղակի հեռացրիք նրան»,-ասել է նա:

Ռուբեն Հակոբյանը նաև խորհուրդ է տվել, որ իշխանությունն առաջին հերթին փորձի իր գլխից հանել աղքատությունը:

Տպել
Կարդացեք նաև
Ամբողջը
«Ժողովուրդ». Արսենյանը չի ճանաչում իր գրասենյակի մոտ պայթուցիկ տեղադրելու գործով կալանավորվածներին․ մանրամասներ
Ապա՝ նույն ժամանակահատվածում, պիտանի ինքնաշեն պայթեցման սարքը տեղադրել են Գյուլբենկյան...
«Փաստ».  Բնակիչների հետ հանդիպում, որպես այդպիսին, չի եղել. ի՞նչ են ասել Փաշինյանին Նոյեմբերյանում
Այսինքն, իրական հանդիպում «բնակիչների հետ», որի ժամանակ մարդիկ իրենց կարծիքն ուղիղ կասեին Նիկոլ...
«Հրապարակ». Հանրահավաքը կպառակտի՞, թե՞ կմիավորի
Սակայն պարզվում է, որ որոշ արցախյան գործիչներ վախենում են, թե ՀՀ իշխանությունը «կօգտագործի» առիթը...
«Ժողովուրդ». Վարչապետի եւ ԱԺ նախագահի եղբայրները բիզնեսմեններ են. Փաշինյանը խաբել է. մաս 184
Իշխանափոխությունից հետո Ազգային ժողովի նախագահ Ալեն Սիմոնյանի եղբայրը՝ Կառլեն Սիմոնյանը, տնօրեն է...
«Հրապարակ». Ինչ է քննարկվել ՔՊ խմբակցության փակ նիստում
Ի դեպ, այդ համաձայնագրով եվրադիտորդներին անսահմանափակ իրավունքներ եւ լայն անձեռնմխելիություն է...
«Փաստ». Իբր փողի խնդիր չկա, բայց գնում են թե՛ գների, թե՛ հարկերի դրույքաչափի բարձրացման ճանապարհով
Որպեսզի տնային տնտեսությունների պայմաններում կարողանանք եկամուտն ավելացնել, պետք է կա՛մ մի քանի...
Ամենաշատ