Ավստրալիայի իշխանությունները թույլ են տվել էմոջիով ավտոհամարանիշերի գրանցումը: Մարտի 1-ից սկսած Քվինսլենդ նահանգի ցանկացած բնակիչ կարող է համարանիշի մետաղական թիթեղը զարդարել՝ վճարելով 475 ավստրալական դոլար պետտուրքը, փոխանցում է Vesti-ն:
Կան նաեւ սահմանափակումներ, հայտնում է 7News Brisbane-ը: Առաջին՝ կարելի է ընտրել միայն 5 սմայլիկներից մեկը՝ արեւային ակնոցով, ծիծաղից արտասվող, ժպտացող, աչքով անող եւ սիրահարված: Երկրորդ՝ էմոջին չի դառնա պաշտոնապես գրանցվող համարանիշի մաս. ավստրալական պետհամարանիշերը նախկինի նման կազմված կլինեն 3 թվից եւ 2 տառից:
Քվինսլենդի անհատական համարանիշերի տրամադրման վարչությունը (PPQ) նախկինում էլ է թույլ տվել վահանակը յուրահատուկ դարձնել: Օրինակ՝ դրա վրա կարելի է պատկերել տեղական սպորտային թիմի լոգոտիպը կամ ներկել: PPQ-ում կարծում են, որ էմոջիով նշանները կդյուրացնեն ճանապարհային պատահարի եւ այլ արտակարգ իրավիճակների ժամանակ մեքենայի նույնականացումը:
Այս մտքին ոչ բոլորն են համաձայն՝ ենթադրելով, որ «ավտոսմայլիկները» միայն կշեղեն: «Ակնհայտ է, որ կառավարությունը փորձում է համարանիշերն ավելի գրավիչ դարձնել՝ այն հաշվարկով, որ ավելի շատ փող վաստակի, եւ ես դա կարող եմ հասկանալ»,- ասել է Քվինսլենդի իրավաբանական միության նախագահ Բիլ Փոթսը:
Emojis will soon be on some Australian number plates, an idea that’s creating mixed emotions. The new design is being released next month in Queensland. @TristanVorias7 #7News pic.twitter.com/uVLkpalWAd
— 7 News Sydney (@7NewsSydney) 18 февраля 2019 г.
