Ինչպես էլ փոփոխվի միջազգային եւ տարածաշրջանային իրավիճակը, Իրանի հետ համընդգրկուն ռազմավարական գործընկերություն զարգացնելու Չինաստանի վճռականությունն անփոփոխ է։ Այս մասին Իրանի խորհրդարանի խոսնակ Ալի Լարիջանիի հետ հանդիպմանը հայտարարել է ՉԺՀ նախագահ Սի Ցզինպինը՝ հայտնում է Mehr-ը։
Նրա խոսքերով, Չինաստանին եւ Իրանին կապում են հին բարեկամական հարաբերությունները, որոնք ժամանակի քննություն են անցել։ «Անկախ այն բանից՝ ինչպես կփոփոխվի միջազգային եւ տարածաշրջանային իրավիճակը, Իրանի հետ համակողմանի ռազմավարական գործընկերություն զարգացնելու Չինաստանի վճռականությունն անփոփոխ է»,- ասել է նա։
Սի Ցզինպինը հավելել է, որ Չինաստանն ու Իրանը պետք է ավելի խորացնեն փոխադարձ վստահությունը եւ շարունակեն սատարել միմյանց հիմնական հետաքրքրությունների եւ խնդիրների հարցում։