Հայաստանի քրեակատարողական հիմնարկներում սննդի որակը լավացել է։ Այս մասին փետրվարի 22-ին խորհրդարանի Մարդու իրավունքների պաշտպանության եւ հանրային հարցերի մշտական հանձնաժողովի նիստի ժամանակ ասել է Հայաստանի արդարադատության նախարար Արտակ Զեյնալյանը։
Նման համոզվածության համար հիմք են ծառայում, ըստ նախարարի, իրավապաշտպանների, դատապարտյալների եւ նրանց հարազատների հայտարարությունները։ Զեյնալյանը նաեւ նշել է, որ բանտերում պակասել է ուտելիք բերելու թիվը, իսկ հացի որակը էապես բարելավվել է։ «Ես անձամբ այցելում եմ քրեակատարողական հիմնարկներ, փորձում ուտելիքը եւ անձնական զրույցներ վարում կալանավորների հետ այս թեմայով»,- հավելել է Զեյնալյանը։