Թուրքիայի խորհրդարանի նախկին հայ կին պատգամավոր Սելինա Դողանը  Ստամբուլի Շիշլիի շրջանում ավագանու թեկնածու է առաջադրվել։

Սելինա Դողանը Ֆեյսբուքի իր էջում տեղեկացրել է, որ որոշել է իր շրջանում՝ Շիշլիում, քաղաքական խոսքի տեր դառնալ եւ մասնակցելու է ՏԻՄ ընտրություններին որպես ավագանու թեկնածու։

Նշենք, որ Սելինա Դողանը ընդդիմադիր «Ժողովրդահանրապետական» (CHP) կուսակցության կողմից առաջադրվել եւ երկու անգամ ընտրվել էր պատգամավոր։