Հայաստանի եւ Իրանի միջեւ ազատ առեւտրի համաձայնագրի վավերացումից հետո սահմանին անշան մաքսատուրք վճարելով հնարավոր կլինի ավելի քան 300 անուն ապրանքատեսակ ներմուծել եւ արտահանել: Մարտի 4-ին Ազգային ժողովում լրագրողների հետ զրույցում այս մասին նշեց տնտեսական զարգացման եւ ներդրումների նախարար Տիգրան Խաչատրյանը:
Ընդ որում նախարարը նկատեց, որ առաջիկայում տվյալ համաձայնագիրը կվավերացնի նաեւ Իրանը: Միաժամանակ Խաչատրյանը հավելեց, որ տվյալ համաձայնագիրը չի ազդի վառելիքի ներկրման մաքսատուրքի վրա: