News
Լրահոս
News
Հինգշաբթի
Հոկտեմբեր 29
USD
492.71
EUR
578.69
RUB
6.31
ME-USD
0.01
Տեսնել լրահոսը

Արմավիրում մանկահասակ երեխայի դաժան սպանության դեպքի առթիվ հարուցված քրեական գործի նախաքննությունն ավարտվել է. հորը մեղադրանք է առաջադրվել սպանության համար, ինչպես նաեւ ծեծի՝ 3 դրվագով։

Նախաքննությամբ պարզվել է սեպտեմբերին հասարակությունը ցնցած ընտանեկան ողբերգության զարհուրելի մանրամասները։ Պարզվում է փոքրիկն ու նրա մայրը մինչ ողբերգական օրը  նախկինում եւս ենթարկվել էին բռնության։

Ռ.Մանուկյանը կնոջ եւ երեխայի հետ Արմավիրի մարզի Խանջյան գյուղում բնակություն է հաստատել 2018թ. սեպտեմբերի 13-ին. Նա զբաղվել է  անասնապահությամբ եւ բնակվել սեփականատիրոջը պատկանող անասնագոմերին կից առանձնացված սենյակում։

2018թ. սեպտեմբերի 28-ին՝ ժամը 09-ի սահմաններում, մանկահասակ տղայի՝ 9 ամսական փոքրիկի   լացի ձայնը կտրելու նպատակով, ապօրինաբար նրան կյանքից զրկելու դիտավորությամբ ձեռքի ափով եւ բռունցքներով հարվածներ է հասցրել  նրա դեմքի շրջանին, ապա՝ դեմքն ի վար շրջելով անկողնու վրա, շարունակել է բռունցքներով հարվածներ հասցնել մեջքին, գլխին եւ մարմնի տարբեր մասերին։ Հարվածների հետեւանքով  փոքրիկն ստացել է ձախից ծոծրոսկրի կոտրվածք, ուղեղանյութի արյունազեղում, ձախից` 5,6,7,8,9,10-րդ կողոսկրերի կոտրվածքներ: Տեսնելով որդու նկատմամբ կիրառվող բռնությունը՝  փորձել է միջամտել եւ մոտեցել ամուսնուն, սակայն վերջինս  քաշել է  կնոջ ձեռքից ու ծեծել՝ բռունցքով հարվածելով գլխին։

Ստացած մարմնական վնասվածքների հետեւանքով փոքրիկը տեղում մահացել է: Նախնական քննության տվյալներով՝ սպանությունը քողարկելու համար ամուսինը պարտադրել է կնոջը՝ հուղարկավորել նրան՝ հետքերը թաքցնելու համար։

Այդ նպատակով Ռ.Մանուկյանն անգամ փոս է փորել, սակայն  կինը,   նրա ձեռքից խլելով փոքրիկի մարմինը, վազել է դեպի  Արմավիրի բժշկական կենտրոն, որտեղ էլ հաստատվել է երեխայի մահը։

«Փաստինֆո»-ի տվյալներով՝ դեպքից օրեր առաջ ընտանիքի հայրը կրկին բռնություն էր գործադրել կնոջ եւ մանկահասակ երեխայի նկատմամբ, ինչից հետո կինը տանից հեռացել էր, բայց հետո, ընդառաջելով ամուսնու զանգին,  նորից վերադարձել է։

Նշենք, որ ընտանիքի հայրը նախկինում արդեն ունեցել է դատվածություն.։ 2006թ. Նա դատապարտվել է ՀՀ քրեական օրենսգրքի 177-րդ հոդվածի 2-րդ մասի 1-ին կետով եւ 177-րդ հոդվածի 2-րդ մասի 3-րդ կետով,  իսկ 2007թ. –ին՝ ՀՀ քրեական օրենսգրքի 34-177-րդ հոդվածի 2-րդ մասի 1-ին կետով եւ 34-177-րդ հոդվածի 2-րդ մասի 3-րդ կետով նախատեսված արարքներ կատարելու համար։ Նա պատժի կրումից ազատվել է   պայմանական վաղաժամկետ: Իսկ տարիներ անց՝ 2013թ. ամուսնացել է Շիրակի մարզի Բասեն գյուղի  մի բնակչուհու հետ։  Համատեղ ամուսնական կյանքի ընթացքում ունեցել են մեկ երեխա:Սակայն Ռուստամ Մանուկյանի կողմից ալկոհոլը չարաշահելու եւ ընտանեկան անհաշտությունների պատճառով կինը ամուսնալուծվել է նրանից, իսկ երեխան մնացել է մոր խնամքին:

Սպանված մանկահասակ երեխայի մայրը եղել է նրա երկրորդ կինը։ Վերջինս եւս նախկինում եղել էր ամուսնացած։ Ամուսնալուծվելիս նա արդեն եղել է հղի, սակայն հանդիպել է Ռ.Մանուկյանին, ով  պատրաստակամություն է հայտնել հայրություն անել երեխային։ Ծնվելուց հետո ճանաչել էր հայրությունը, բայց վատ սովորույթներից չէր հրաժարվել, շարունակել է խմել ու բռնանալ։

«Փաստինֆո»-ի փոխանցմամբ՝ Ռ.Մանուկյանին մեղադրանք է առաջադրվել  ՀՀ քրեական օրենսգրքի 104-րդ հոդվածի  1-ին մասով եւ 3 դրվագ՝ 118-րդ հոդվածով:  Նրա նկատմամբ որպես խափանման միջոց է ընտրվել կալանավորումը։

Քրեական գործն ուղարկվել է Արմավիրի մարզի ընդհանուր իրավասության դատարան։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Նիսում հարձակման հետեւանքով կին է գլխատվել
«Հարձակվողն օգտագործել է այն նույն մեթոդը, ինչ եւ ահաբեկիչը Կոնֆլան-Սենտ-Օնորին քաղաքում...
Նիսում անհայտ անձը դանակով հարձակվել է մարդկանց վրա. 2 մարդ է սպանվել
Մեքսիկայում 59 անհայտ կորածների դիերի գերեզմանոցներ են հայտնաբերվել
2020 թվականի հունվարի դրությամբ Մեքսիկայում ավելի քան 61.000 անհայտ կորած մարդ է գրանցվել...
Զոհված զինծառայողի կինը ծննդաբերելուց հետո շտապել է ամուսնու հուղարկավորությանը, բայց ավտովթարից մահացել է. Tert.am
Վահեն Սիսիանից էր, զոհվել է հոկտեմբերի 19-ին, իսկ Շուշանը երեխային ունեցավ հոկտեմբերի 15-ին…
ԱՄՆ-ում սեքս աղանդի առաջնորդին դատապարտել են 120 տարվա բանտարկության
Ռանյեն իր ընկերությունը գովազդում էր որպես անհատի կատարելագործման միջոցներ մշակող։ Նա հանրաճանաչ էր Հոլիվուդում եւ բիզնես շրջանակներում․․․
Փարիզի ոստիկանությունը Հաղթական կամարի շրջակայքում կասկածելի իրեր չի հայտնաբերել
Երթեւեկությունն աստիճանաբար վերականգնվում է․․․