Նիդեռլանդների իշխանությունները Ուտրեխտ նահանգում ահաբեկչության սպառնալիքը բարձրացրել են մինչեւ բարձրագույն մակարդակ: Այս մասին երկուշաբթի իր Twitter-յան էջում հայտնել է հաբեկչության դեմ եւ անվտանգության պայքարի ազգային համակարգող Պիտեր-Յապ Ալբերսբերգը, փոխանցում է ՏԱՍՍ-ը:
Տեղական լրատվամիջոցների տեղեկություններով՝ հրաձգության հետեւանքով տրամվայում զոհվել է մեկ մարդ, եւս մի քանիսը վիրավորվել են: Տուժածներին տեղափոխել են հիվանդանոց:
«Ուտրեխտի համար սպառնալիքի մակարդակը 18 ժամ բարձրացված է մինչեւ 5-րդ,- նշել են գերատեսչությունից: - Հարձակվողներին դեռեւս որոնում են: Բացառված չեն ահաբեկչական դրդապատճառները»:
Նիդեռլանդների վարչապետ Մարկ Ռյուտեն իր առաջին արձագանքում միջադեպը որակել էր մտահոգություն հարուցող եւ ընդհատել էր կոալիցիոն կառավարության հանդիպումը: Որպես նախազգուշական միջոցառումներ փակվել են Ուտրեխտի բոլոր մզկիթները, իշխանությունները նաեւ դպրոցներին կոչ են արել թույլ չտալ երեխաներին փողոց դուրս գալ: Դրանից բացի, կառավարական շենքերը հատուկ պահպանության տակ են վերցվել:
Ենթադրյալ չարագործը հանցագործության վայրից փախուստի է դիմել: Նիդեռլանդների հեռուստառադիոհեռարձակման կորպորացիայի տեղեկություններով՝ շենքը, որտեղ կարող էր թաքնվել չարագործը, ներկայումս ոստիկանները շրջափակել են:
