Բանգկոկում 40-րդ միջազգային ավտոսրահի ընթացքում Mitsubishi Motors ընկերությունը կներկայացնի L200 պիկապի հատուկ տարբերակը: Դատելով միակ լուսանկարից՝ դա ամենագնաց մոդիֆիկացիա է ճանապարհային լուսավորման ավելացմամբ եւ լրացուցիչ սարքավորումներով, հաղորդում է Motor-ը:
Mitsubishi L200 ամենագնացը կհամալրվի լուսարձակող օպտիկայով եւ տանիքին ամրացված լրացուցիչ լուսավորման բլոկով: Բամպերներին կտեղադրվեն պաշտպանիչ թիթեղներ կոնտրաստային կարմիր ներդիրներով: Տեխնիկական առումով փոփոխություններ չեն կանխատեսվում. պիկապը, ինչպես եւ նախկինում, համալրված կլինի 2.4 լ դիզելով, որը կարող է աշխատել ինչպես վեցաստիճանային «մեխանիկայի», այնպես էլ վեց դիապազոնով «ավտոմատի» դեպքում: