Համաշխարհային օդերեւութաբանական կազմակերպության (ВМО) նախաձեռնությամբ ՄԱԿ հովանու ներքո ամեն տարի մարտի 23-ին նշվում է Օդերեւութաբանական համաշխարհային օրը (World Meteorological Day): Օրը նշվում է 191 երկրում եւ ВМО տարածքում: 1950 թվականի մարտի 23-ին ուժի մեջ է մտել Համաշխարհային օդերեւութաբանական կազմակերպության (ВМО, World Meteorological Organization) Կոնվենցիան, որում հռչակվել է Կազմակերպության ստեղծումը: Տոնի կարգախոսն է դարձել՝ «Եղանակը, կլիման եւ ջուրը տեղեկատվական դարաշրջանում»: Բուն տոնը նշվում է 1961 թվականից:
Համաշխարհային օդերեւութաբանական կազմակերպությունը զբաղվում է եղանակի, կլիմայի եւ ջրի խնդիրներով, իսկ երկրները, որոնք անդամագրվել են Կազմակերպությանը, արդեն երկար տարիներ հաջողությամբ համագործակցում են՝ փոխանակելով մթնոլորտի, ցամաքի, ծովերի, օվկիանոսների, գետերի վիճակի մասին օպերատիվ տվյալները, որոնց հիման վրա էլ կազմվում են եղանակի տեսությունները եւ վտանգավոր հիդրոօդերեւութաբանական երեւույթների մասին նախազգուշացումները:
ВМО-ի առավել խոշոր ձեռքբերումների թվում է կլիմայի հետազոտման համաշխարհային ծրագրերի եւ Եղանակի համաշխարհային ծառայության ստեղծումը, փոխանցում է Calend-ը:
ВМО-ի գործունեության հիմնական ուղղությունն է երկրներին օդերեւութաբանական եւ հիդրոլոգիական ծառայությունների մատուցման հարցում աջակցությունը: Օդրեւութաբանական համաշխարհային օրն անցկացվում է կլիմայի փոփոխությունների հնարավոր հետեւանքների մասին լայն հանրության տեղեկացվածության բարձրացման նպատակով: Չէ՞ որ այսօր կլիմայի արագ փոփոխությունը ամենալուրջ էկոլոգիական խնդիրներից մեկն է, որին մարդկությունը բախվում է: Դա արտահայտվում է ոչ միայն եղանակի պայմանների փոփոխություններով, ջերմաստիճանի բարձրացմամբ/նվազմամբ, այլեւ կարող է բերել այնպիսի կործանարար աղետների, ինչպես ջրհեղեղները, երաշտները, ցունամիները եւ այլն: