News
Լրահոս
News
Երկուշաբթի
Օգոստոս 19
USD
475.91
EUR
528.16
RUB
7.12
ME-USD
0.14
Տեսնել լրահոսը

Վրաստանում կալանել են երկու քրեական հեղինակության եւ նրանց օգնությանը դիմած գործարարի։ Այս մասին ճեպազրույցում ասել է ներքին գործերի փոխնախարար Վլադիմիր Բորցվաձեն, տեղեկացնում է «Նովոստի-Գրուզիան»։

Կալանվածները 49-ամյա Բ.Տ.-ն, 55-ամյա Գ.Մ.-ն եւ 60-ամյա Ռ.Գ.-ն են։ Բոլոր երեքն էլ նախկինում դատված են եղել տարբեր ծանրության հանցանքներ կատարելու համար։ Բ.Տ.-ն եւ Գ.Մ.-ն քրեական հեղինակություններ են եւ մեղադրվում են գողական աշխարհին պատկանելու մեջ։ Մինչդեռ Ռ.Գ.-ն Վրաստանում աշխատող մասնավոր ընկերության բաժնետեր է, նա մեղադրվում է «օրենքով գողերին» դիմելու համար։

Քննությունը պարզել է, որ բիզնես-գործընկերոջ՝ մասնավոր ընկերության տնօրենի հետ վեճը լուծելու համար ընկերությունում բաժնեմաս ունեցողը դիմել է իր երկու ծանոթներին։ Նա նրանց խնդրել է կարգավորել կոնֆլիկտը հօգուտ իրեն՝ օգտագործելով քրեական ազդեցությունը։

Նշված անձինք հանդիպել են Ռ.Գ.-ի գործընկերոջ հետ։ Նրանք ընկերության տնօրենին ներկայացել են որպես հայտնի «օրենքով գող», «Գլեխովիչ» մականունով Զաալ Մախարոբլիձեի ներկայացուցիչներ, որը հիմա ապրում է արտասահմանում։ Նրանք տղամարդուց պահանջել են իրենց ծանոթին զիջել ընկերության զգալի մասը։

Վեճի լուծումը բիզնես-գործընկերների միջեւ շարունակվել է «օրենքով գողի» հետ հեռախոսազրույցի օգնությամբ։ Արդյունքում՝ Մախարոբլիձեն վեճը լուծել է հօգուտ Ռ.Գ.-ի։

Վրաստանի ՆԳՆ քրեական ոստիկանության եւ  գլխավոր դատախազության աշխատակիցները երեքին էլ կալանավորել են մարտի 23-ի դատական որոշման հիման վրա։

Նրանց բնակարանների խուզարկության ժամանակ որպես իրեղեն ապացույց ոստիկաններն առգրավել են ԱԿ-74 ավտոմատ եւ «Արալ» ատրճանակ, ինչպես նաեւ 21 փամփուշտ, բջջային հեռախոսներ, որոնց օգնությամբ կալանվածները հաղորդակցվել են միմյանց եւ արտասահմանում ապրող այսպես կոչված գողականի հետ։

Քննությունը վարվում է «անդամություն գողական աշխարհին» հոդվածով եւ «օրենքով գողին դիմելու» փաստով։ Կալանվածներին սպասվում է 3-10 տարվա ազատազրկում։ 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Արթուր Աթաբեկյանին գողական լիազորություններով օժտելու փորձը կրկին անհաջողության է մատնվել
Օգոստոսին սկզբին առաջինն արգելափակել էր Շաքրոն…
Զարհուրելի սպանություն Պուշկինո գյուղում․ դանակի բազմաթիվ հարվածներից հետո դին այրել են․ կասկածյալը 20 տարեկան է
Դատաբժշկի նախնական եզրակացության համաձայն, դիակի վրա հայտնաբերվել են դանակի բազմաթիվ հարվածների հետքեր․․․
Ռուսաստանում դեռահասը կացնահարել է ընտանիքի անդամներին
Ենթադրվում է, որ օգոստոսի 18-ի գիշերը հենց նա է սպանել իր մորը, տատին, պապին, եղբորն ու քրոջը, այնուհետեւ ինքնասպանություն գործել…
Երեւանում 23-ամյա մի երիտասարդ գազային ատրճանակով կրակոց է արձակել
Նրա մոտից հայտնաբերվել է «Բայկալ» տիպի գազային ատրճանակ իր պահունակով՝ լիցքավորված 3 գնդիկներով․․․․
28-ամյա տղամարդը ապակյա շշով 4-5 անգամ հարվածել է 25-ամյա կնոջ գլխին
Բացի այդ, 2019 թվականի փետրվարի 13-ին, գտնվելով ալկոհոլի ազդեցության տակ…
Ուրալում 7-ամյա վաղեմության սպանությունը բացահայտվել է փողոցային զուգարանի ապամոնտաժումից հետո
Գործի հետաքննությունը շարունակվում է...