Աղքատության մակարդակը գնահատվում է ընտանիքի կազմում:
Մարդն ինքնին կարող ծայրահեղ աղքատ չհամարվել, քանի որ նրա եկամուտը բարձր է ծայրահեղ աղքատության շեմից: Բայց եթե մարդուն ընտանիքի կազմում դիտարկենք, ապա նա կարող է աղքատ ընտանիքի անդամ համարվել: Մարտի 26-ին Ազգային ժողովի նիստում «Պետական կենսաթոշակների մասին» օրենքում փոփոխություններ եւ լրացումներ կատարելու մասին օրինագծի քննարկմանն այս մասին ասաց ՀՀ աշխատանքի եւ սոցիալական հարցերի փոխնախարար Սմբատ Սաիյանը՝ պատասխանելով ԲՀԿ կուսակցությունից պատգամավոր Տիգրան Ուրիխանյանի հարցին:
Պատգամավորը մասնավորապես հետաքրքրվեց՝ «Արդյոք ճի՞շտ հասկացա: Դուք ասում եք, որ մարդկանց 25500 դրամ եք վճարելու եւ դրանով ծայրահեղ աղքատների բանակը կկրճատվի՞»: Սակայն փոխնախարարն ի պատասխան ասաց, որ նա չէր կարող նման բան ասել, քանի որ աղքատության գնահատման մեթոդիկան այլ է:
