ԱՄՆ փոխնախագահ Մայք Փենսը կոչ է արել ամերիկյան տիեզերագնացներին Լուսին ուղարկել հինգ տարվա ընթացքում՝ հայտնում է AP-ը։
Ելույթ ունենալով Հանթսվիլում Ազգային տիեզերական խորհրդի նիստում Փենսը հայտարարել է, որ NASA-ն պետք է այդ նպատակին «ցանկացած անհրաժեշտ միջոցներով» հասնի։ Նրա խոսքերով, NASA-ի հրթիռները անհրաժեշտության դեպքում կփոխարինվեն կոմերցիոն հրթիռներով՝ հաշվի առնելով շտապ լինելը։
Այս տարի լրանում է Լուսնի վրա մարդու ոտք դնելու 50 տարին։ Փենսը նշել է, որ առաջին կինը եւ հաջորդ տղամարդը Լուսնի վրա կլինեն ամերիկյան տիեզերագնացները։
NASA-ի աշխատակազմի ղեկավար Ջիմ Բրիդենսթայնը հայտարարել է, որ NASA-ն անում է հնարավոր ամեն բան, որպեսզի տեղավորվի ժամկետում։
Փետրվարին Բրիդենսթայնը լրագրողներին հայտարարել էր, որ գործակալությունը ծրագրում է նախագահ Դոնալդ Թրամփի աջակցությամբ, օգտագործելով մասնավոր ընկերությունները, արագացնել Լուսին վերադառնալու պլանները։
Նա հույս է հայտնել, որ ամերիկյան տիեզերագնացները Լուսին կվերադառնան 2028թ․։ «Այս անգամ, երբ մեկնենք Լուսին, մենք կմնանք այնտեղ։ Մենք չենք պատրաստվում թողնել դրոշներ եւ հետքեր, իսկ հետո գալ տուն, որպեսզի հետագա 50 տարիների ընթացքում չվերադառնանք այնտեղ»,- ասել է նա։
Վերջին մարդը, ով ոտք է դրել Լուսնի վրա, եղել է Յուջին Սերնանը՝ 1972թ․ դեկտեմբերին, «Ապոլլոն-17» առաքելության ժամանակ։