Կանադայի Օնտարիո նահանգի ոստիկանությունն առգրավել է ավելի քան 1,2 մլն կավադական դոլար (ավելի քան 900 հազար դոլար) արժողությամբ թմրանյութի խոշոր խմբաքանակ եւ զենք, հայտնում է CBC-ն:
Ոստիկանությունից հստակեցրել են, որ վերջին 3 ամիսներին իրենք Բրամփթոն քաղաքում հետեւել են ենթադրյալ 35-ամյա թմրադիլերի, որին կալանավորել են անցյալ շաբաթ: Տղամարդու նշած հասցեներում կատարված խուզարկություններով իրավապահ մարմինների աշխատակիցները առգրավել են թմրանյութի խոշոր խմբաքանակ, ինչպես նաեւ 26 միավոր հրազեն ու փամփուշտներ:
Ձերբակալվածը, ում անձնական տվյալները չեն հրապարակվում, թմրանյութը Օնտարիո է հասցրել մաքսանենգ ճանապարհով, բայց կոնկրետ որտեղից, չի հաղորդվում: Այժմ պարզվում է նաեւ, թե գտնված զենքն ում համար էր նախատեսված:
Տղամարդուն արդեն ավելի քան 60 կետով մեղադրանք է առաջադրվել, այդ թվում՝ թմրանյութերի ապօրինի շրջանառության եւ ապօրինի զենք պահելու համար:
