Գեորգի Դանելիայի կինն ասել է, որ նախատեսում է ամուսնուն թաղել Մոսկվայի Նովոդեւիչյան գերեզմանատանը, տեղեկացնում է «5-րդ ալիքը»։ Ռեժիսորը վախճանվել է 88 տարեկանում, սրտի կանգից։
Փետրվարին Դանելիան թոքերի բորբոքմամբ հայտնվել էր հիվանդանոցում։ Տեղեկացվում էր սուր շնչառական եւ սրտային անբավարարության մասին։ Բժիշկները հատուկ նրան արհեստական կոմայի մեջ էին գցել՝ շնչառությունը բարելավելու համար։
Գեորգի Դանելիան ավարտել է Բարձրագույն ռեժիսորական դասընթացները Միխայիլ Կալատոզովի դասարանում։ Առավել մեծ համբավի է արժանացել «Ես քայլում եմ Մոսկվայով» ֆիլմով։ Նրա ամենահայտնի աշխատանքներից են «Մի վշտանա»-ն, «Աֆոնյա»-ն, «Միմինո»-ն, «Աշնանային մարաթոն»-ը։
