Իշխող Արդարություն եւ Զարգացում կուսակցությունը ցանկանում է չեղարկել Ստամբուլում մունիցիպալ ընտրությունների արդյունքները, գրում է Haberturk-ը:
Մարտի 31-ի ընտրությունների արդյունքներով՝ ԱԶԿ-ն հաղթանակ է տարել քաղաքների եւ նահանգների մեծ մասում, սակայն կորցրել է Անկարա եւ Ստամբուլ խոշոր քաղաքները, որտեղ հաղթել են ընդդիմության թեկնածուները: Դրանից հետո ԱԶԿ-ն պահանջել էր ձայների վերահաշվարկ Ստամբուլում եւ Անկարայում:
Ստամբուլում ձայների վերահաշվարկը գրեթե ավարտված է եւ անգամ դրանից հետո քաղաքապետի պաշտոնը բաժին կհասնի Ժողովրդահանրապետական կուսակցությունից Էքրեմ Իմամօղլուին, որն արդեն ԿԸՀ-ին կոչ է արել հաստատել իրեն Ստամբուլի քաղաքապետի պաշտոնում:
Haberturk-ը հաղորդում է, որ ԱԶԿ գրասենյակը Ստամբուլի Բյուքչեքմեջե շրջանում դիմել է նահանգային ընտրական վարչություն՝ խնդրելով անվավեր ճանաչել քաղաքում քվեարկությունը, քանի որ ընտրողների ապօրինի գրանցում է տեղի ունեցել:
