Ապրիլի 15-ին, ժամը 00.10-ի սահմաններում, ծառայություն իրականացնելու ժամանակ, ոստիկանության Մարաշի բաժանմունքի ծառայողը Մաշտոցի պողոտայի եւ Գր. Լուսավորչի փողոցի խաչմերուկի գետնանցումից լսել է կրակոցի ձայն, որտեղից, խուլիգանություն կատարելու կասկածանքով, ոստիկանության Երեւան քաղաքի վարչության ՊՊԾ գնդի ծառայողների հետ բաժին են բերման ենթարկել 1996 թ. ծնված Դավիթ Հ.-ին:
Պարզվել է, որ նույն օրը, ժամը 00.10-ին, Դավիթ Հ.-ն նշված վայրում իրեն պատկանող գազային ատրճանակից մեկ անգամ օդ է կրակել՝ խախտելով հասարակական կարգը:
Դավիթ Հ.-ի անձնական խուզարկությամբ հայտնաբերվել է գազային ատրճանակ՝ լիցքավորված 5 փամփուշտով եւ թույլտվության վկայականը:
Նշանակվել է փորձաքննություն:
Նախապատրաստվում են նյութեր:
