Facebook սոցիալական ցանցը թեստավորում է լրահոսի ներկայացման հորիզոնական ձեւը, տեղեկացնում է ՌԲԿ-ն՝ հղում կատարելով TechCrunch պարբերականին։ Facebook-ի նոր օպցիան առաջինը նկատել է ռեւերս ինժինիրինգի մասնագետ Ջեյն Մանչուն Վոնը։ Facebook-ը հաստատել է, որ փակ ռեժիմով թեստավորում է լրահոսի ներկայացման նոր եղանակի նախատիպը։

Վոնը տեսել է նոր օպցիան Facebook-ի չթողարկված տարբերակում Android-ի համար եւ այն ցուցադրել իր Թվիթերում։

Նոր օպցիան աշխատում է հետեւյալ կերպ. մատով երկու անգամ կտտացնելով լրահոսի վերնագրի վրա կամ կողքին՝ օգտատերը կարող է տեսնել պոստի լիաէկրան տարբերակը։ Հետո, մատով ձախ տանելով՝ կարելի է թերթել լրահոսը, որտեղ ներկայացվում են ինչպես լուրեր, այնպես էլ սթորիզ, գովազդ երկու բաժիններից էլ։

Facebook-ի ներկայացուցիչն ավելի ուշ պարբերականին ասել է, որ ընկերությունը թեստավորում է լրահոսի նավարկման նոր եղանակ։ «Այժմ մենք հրապարակային թեստավորում չենք իրականացնում»,- զրուցակցի խոսքերը մեջբերում է TechCrunch-ը։ Ընկերությունում ասել են, որ դեռ հետազոտություններ պետք է կատարվեն, մինչեւ որ նորույթը կթեստավորվի հանրային տարածքում։