News
Լրահոս
News
Ուրբաթ
Հուլիս 19
USD
476.48
EUR
535.52
RUB
7.56
ME-USD
0.17
Տեսնել լրահոսը

Մոսկվայի Չերքիզովյան շուկայի նախկին տեր Թելման Իսմայիլովին կասկածում են Շվեյցարիայում 3 տնտեսական հանցագործությունների կատարման մեջ, նրա դեմ քրեական գործ է հարուցվել, հայտնում է «Կոմերսանտ» պարբերականը՝ վկայակոչելով իր աղբյուրներին, «ԲՆ-բանկի» մամուլի ծառայությանը եւ ՎՏԲ բանկին:

Հաղորդվում է, որ Իսմայիլովին կասկածում են Շվեյցարիայի Քրեական օրենսգրքի 3 հոդվածներով նախատեսված հանցագործությունների կատարման մեջ՝ պարտապանի ունեցվածքի կալանման հետ կապված խարդախություն, ի վնաս վարկատուների ակտիվների փաստացի կրճատում եւ ակտիվների դուրսբերում: Նշվում է, որ առավել ծանր հոդվածով նրան սպառնում է 3-ից մինչեւ 5 տարվա բանտարկություն:

«Կոմերսանտը» նաեւ հայտնում է, որ շվեյցարացի իրավապահներին դիմած «ԲՄ-բանկի» վարկածով՝ Շվեյցարիայում կարող էր թաքցված կամ լվացված լինել միջոցների մի մասը, որոնք Իսմայիլովի երաշխավորությամբ ստացել էին որպես փոխառություն եւ վարկատուին չէին վերադարձվել:

«Բանկին հայտնի է դարձել Ցյուրիխի դատախազության կողմից դրամական միջոցների լվացման փաստով Թելման Իսմայիլովի դեմ քրեական գործի հարուցման մասին: Ընդգծում ենք, որ ՎՏԲ-ն օրենսդրության շրջանակում հնարավոր բոլոր միջոցներով կհասնի դրամական միջոցների ամբողջական վերադարձին»,- հայտնել են ՎՏԲ-ի մամուլի ծառայությունից:

Ձեռնարկատեր Իսմայիլովը, որը մտնում է Ռուսաստանի ամենահարուստ բիզնեսմենների վարկանիշի մեջ, 2009 թվականին բախվել էր իրավապահ մարմինների ծավալուն պահանջներին, որ ներկայացվել էին նրա գլխավոր ակտիվի՝ մայրաքաղաքում խոշորագույն մանրածախ առեւտրի կենտրոն Չերքիզովյան շուկայի գործունեությանը: Շուկան փակվել էր այն բանից հետո, երբ սանիտարական վերահսկողության մարմիններն այնտեղ բազմաթիվ խախտումներ էին հայտնաբերել:

Ներկայումս Թելման Իսմայիլովը եւ նրա եղբայր Վագիֆը միջազգային հետախուզման մեջ են: Ռուսաստանում նրանց առաջադրվել է սպանության եւ զենքի ապօրինի շրջանառության մեղադրանք, դատարանը նրանց հեռակա կալանավորել է: Քննությունը Թելման Իսմայիլովին է համարում 2 ձեռներեցների սպանության կազմակերպողը, հանցագործության կատարողը՝ Մեհման Քերիմովը, դատապարտվել է 13 տարվա ազատազրկման խիստ ռեժիմի գաղութում:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Կիոտոյում անիմե ստուդիայի հրկիզման հետեւանքով զոհերի թիվը հասել է 34-ի
Kyoto Animation ստուդիայում հրդեհը բռնկվել էր հունիսի 18-ին, երբ 41-ամյա տղամարդը ներխուժել էր շենք բենզինի տարաներով եւ հրկիզել այն…
Հրդեհ` Հաղթանակ զբոսայգու մոտակայքում, հայտարարվել է հրդեհի բարդության «1-ԲԻՍ» կանչ
Դեպքի վայր է մեկնել ԱԻՆ ՓԾ հրշեջ-փրկարարական ջոկատից եւս երեք մարտական հաշվարկ...
Գազօջախին ծխացել է կերակուր, ինչի հետևանքով քաղաքացին ուշաթափվել է. փրկարարներ են եկել. ԱԻՆ
Փրկարարները բացել են բնակարանի դուռը և տուժածին մոտեցրել շտապօգնության ավտոմեքենային...
ՊԵԿ-ը հայտնաբերել է դրոշմավորման ենթակա, ապօրինի եղանակով ձեռքբերված չդրոշմավորված դեղեր. Քրգործ է հարուցվել
Դեպքի առթիվ նախապատրաստված նյութերով հարուցվել է քրեական գործ՝ ՀՀ քրեական օրենսգրքի 210-րդ հոդվածի 2-րդ մասի հատկանիշներով...
Սիսիանում պայթյուն է տեղի ունեցել. Կա մեկ զոհ
Պայթուցիկ է կապած եղել անասնագոմի դռանը...
Դատախազությունն այս ամենը միտումնավոր է անում՝ նիստը ձգձգելու համար. Ռոբերտ Քոչարյան
Մեկնարկեց ՀՀ երկրորդ նախագահ Ռոբերտ Քոչարյանի գույքի վրա դրված կալանքի հարցով...
Ամենաշատ