Ռուսաստանը Եվրասիական տնտեսական հանձնաժողովին խնդրել է քննարկել սպիտակ շաքարավազի ներկրման պարզեցված ընթացակարգը:
Նման առաջրկով ՌԴ առաջին փոխվարչապետ, ֆինանսների նախարար Անտոն Սիլուանովը դիմել է ԵՏՀ խորհրդի նախագահ Մհեր Գրիգորյանին: Այս մասին գրում է ՌԲԿ-ն, որը ծանոթացել է ֆինանսների նախարարի նամակի հետ:
«Նամակում Սիլուանովն առաջարկում է օտարերկրյա սպիտակ շաքարավազի վրա չտարածել ազատ մաքսային գոտու ընթացակարգը եւ չկիրառել ազատ պաշարի ընթացակարգը», - նշվում է հրապարակման մեջ:
Շաքարավազի եվրասիական ասոցիացիայի գործադիր տնօրեն Անդրեյ Բոդինը հրատարակությանն ասել է, որ առաջարկվող միջոցն ուղղված է նրան, որ Ղազախստանի առանձին ձեռնարկություններին զրկեն ԵՏՄ օրենսդրությունը խախտելու իրավունքից:
Նրա խոսքով՝ այժմ տվյալ ձեռնարկությունները կարող են առանց տուրքերի Ուկրաինայից եւ Եվրոպայից շաքարավազ ներկրել ազատ տնտեսական գոտիներ հատուկ ներդրումային գործարքներով, ինչպես նաեւ առանց տուրքերի այն առաքել ԵՏՄ շուկա արդեն հրուշակեղենի եւ ոչ ալկոհոլային ըմպելիքների կազմում:
ԵՏՀ մամուլի ծառայությունից հաստատել են, որ Սիլուանովի նամակը ստացել են:
Նաեւ հավելել են, որ հարցն արդեն քննարկել են ԵՏՀ մարտի 29-ի նիստին, սակայն այդ ժամանակ չի հաջողվել համաձայնության հասնել: Այժմ այդ հարցը ապրիլի 30-ին՝ Եվրասիական միջկառավարական խորհրդի նսիտին հերթական կքննարկեն արդեն վարչապետները:
