Mercedes-Benz-ը հայտնել է սերիական Vision Maybach թողարկելու մասին: Արտասովոր ձեւի հայեցակարգը ներկայացված էր որպես սեդանի տվյալներով ամենագնաց, որը կառուցված է GLS մոդելի հիման վրա: Դա էլեկտրական ավտոմեքենայի նախատիպ է՝ չորս էլեկտրական բլոկներով, որոնց ընդհանուր հզորությունը 738 ձիաուժ է, հաղորդում է 32car.ru-ն:
Ընկերության ղեկավարությունը հայտարարել է, որ շոու-քարի ապագան ամբողջովին կախված է սպառողների պահանջարկից: Մինչ օրս Mercedes-ում սերիական արտադրության նպատակահարմարության մասին հարցը բաց է մնում: Հնարավոր է՝ Maybach շքեղ ամենագնացի սերիական արտադրությունը ժամանակի հարց է:
Սակայն քննարկման գլխավոր հարցը Vision Maybach Ultimate Luxury-ն չէր, այլ նյույորքյան ավտոսրահում ներկայացված նոր GLS-ը, որն, ի դեպ, արդեն նկատվել էր ֆոտոլրտեսների կողմից թեստավորման ընթացքում: Հարցազրույցի ժամանակ պարզ էր դարձել, որ տվյալ մոդելն արդեն մշակված է եւ առաջիկայում կհավաքվի Ալաբամայում:
Եթե դա համապատասխանում է իրականությանը, ապա Mercedes-Maybach GLS-ը կդառնա ԱՄՆ-ում թողարկված ամենաթանկ ավտոմեքենան: Ըստ գնացուցակի՝ նորույթի արժեքը կմեկնարկի 200 000 դոլարից:
