Ես միշտ ասում եմ հին դիսկուրսի, առուփախի տրամաբանությունը թողեք, մեր կառավարությունը չի մտածում՝ վայ հազիվ իշխանությունը ձեռքներս է ընկել, հիմա ում պետք է խփենք, ում պիտի նստացնենք, ում բիզնեսը պետք է խլենք, էդ խլած բիզնեսն ում պիտի տանք, որ իշխանությունը պահենք: Այս մասին այսօր՝ ապրիլի 22-ին, Երեւանի պետական համալսարանի տնտեսագիտական ֆակուլտետում դասախոսների եւ ուսանողների հետ հանդիպման ժամանակ ասաց ՀՀ վարչապետ Նիկոլ Փաշինյանը:
«Մեր ընկալման մեջ նման բան չկա, որովհետեւ ես վարչապետի կարգավիճակն ընկալում եմ, որպես աշխատանք: Այստեղ կապ ունի, թե մարդն իր դերն որպես ինչ է ընկալում, ինքը խնդիր լուծո՞ղ է, թե՞ ինքը հրահանգնել լսող եւ խնդրանքներ մատուցող սուբյեկտ է»,-ասաց վարչապետը:
