ՀՀ վարչապետ Նիկոլ Փաշինյանը հայտարարել է, որ Կիեւին եւ Մոսկվային անհրաժեշտ է վերականգնել «իրական երկխոսությունը», դրան այլընտրանք չկա՝ հայտնում է ՌԻԱ Նովոստին։
«Շատ կարեւոր է վերականգնել Ուկրաինայի եւ Ռուսաստանի միջեւ երկխոսությունը, քանի որ մեզ բոլորիս հասկանալի է, որ երկխոսությանը որեւէ այլընտրանք չկա, սա XXI դարն է։ Ուկրաինացի եւ ռուս ժողովուրդները եղբայրական ժողովուրդներ են, ինչպես նաեւ՝ հայ ժողովուրդը։ Ես վստահ եմ, որ Ուկրաինայի եւ Ռուսաստանի միջեւ կկայանա իրական երկխոսություն, բարեկամություն, եղբայրություն, դրան այլընտրանք չկա»,- ասել է Փաշինյանը «Россия-1» հեռուստաալիքի «Մեծ խաղ» ծրագրի եթերում։
