Աստղագետները հստակորեն չափել են հեռավորությունը մինչեւ զարկող աստղերը հարեւան գալակտիկայում եւ հաստատել, որ Տիեզերքն այժմ ընդլայնվում է ավելի մեծ արագությամբ, քան այդ մասին հիշատակում էին դիտարկումները նախքան Մեծ Պայթյունը: «Հաբլի» չափումների արդյունքները, որոնք մատնանշում են «նոր ֆիզիկայի» առկայությունը, հրապարակվել էին Astrophysical Journal-ում, հաղորդում է ՌԻԱ Նովոստի-ն:
«Հաբլի հաստատունի նշանակության մեջ անհամապատասխանությունների հայտնաբերումը, կարծես, տիեզերագիտության ամենահետաքրքիր իրադարձությունն է վերջին տասնամյակների ընթացքում: Այդ վիճակագրական ցուցանիշն աստիճանաբար աճում էր, եւ այժմ այն պարզապես չի կարելի համարել որպես չափումներում թերացում »,-հայտարարել է Ջոն Հոփքինսի համալսարանից (ԱՄՆ) Ադամ Ռիսը:
Դեռեւս 1929 թվականին հայտնի աստղագետ Էդվին Հաբլը, հետեւելով մեզնից շատ հեռու գտնվող գալակտիկաների շարժմանը, ապացուցել է, որ մեր Տիեզերքն իր տեղում կանգնած չէ, այլ աստիճանաբար ընդլայնվում է: 20-րդ դարի վերջում աստղաֆիզիկոսները հայտնաբերել էին, որ այն ընդլայնվում է ոչ թե հաստատուն արագությամբ, այլ դրա արագությունը հետզհետե ավելանում է:
Ներկայումս գիտնականները գտնում են, որ դրա պատճառը «մութ էներգիան է»՝ հանելուկային սուբստանցիան, որը ստիպում է տարածությունն ու ժամանակը ձգվել ավելի ու ավելի արագ:
2016 թվականի հունիսին նոբելյան մրցանակակիր Ադա Ռիսը եւ նրա գործընկերները, որոնք բացահայտել են այդ ֆենոմենը, հաշվարկել էին Տիեզերքի ընդլայնման ճշգրիտ արագությունը՝ օգտագործելով փոփոխական աստղեր-ցեֆեիդները Ծիր կաթինում եւ հարեւան գալակտիկաներում, որոնց միջեւ հեռավորությունը կարելի է հաշվարկել առավելագույն ճշտությամբ:
