Բրազիլական ոստիկանությունը բռնել է խոսող թութակին, որը օգնել է թմրավաճառներին փրկվել իրավապահ մարմինների շրջայցերից՝ գրում է The Guardian-ը։
Ինչպես տեղեկացնում են բրազիլական ԶԼՄ-ները, թռչնին սովորեցրել են «Մամա, ոստիկանություն» կանչելով հայտնել հանցագործներին Վիլա Իրմա Դուլսում ոստիկանական գործողությունների մասին։
Թութակը բռնվել է, երբ ոստիկանները գրոհել են հանցագործների որջը։ Իրավապահները վստահ են, որ հենց թութակն է նախազգուշացրել նրանց ոստիկանների մոտենալու մասին։ Ընդ որում, բրազիլացի լրագրողները վստահեցնում են, որ այդ թռչունը հազվադեպ լռակյաց եւ հանգիստ էակ է։
Թմրավաճառների փետրավոր հանցակցին ուղարկել են գազանանոց, որտեղ նրան մինչ ազատ արձակելը երեք ամսվա ընթացքում թռչել կսովորեցնեն։
