Պակիստանի Գվադար քաղաքի 5-աստղանի հյուրանոցներից մեկում դաժան հարձակման հետեւանքով զոհվել է 5 մարդ, հաղորդում է UPI-ը՝ հղում անելով տեղական իշխանություններին:
Շաբաթ հայտնի էր դարձել, որ Zaver Pearl-Continental Gwadar հյուրանոցի վրա զինված անձանց հարձակման հետեւանքով զոհվել է անվտանգության աշխատակիցը:
Ինչպես Գվադարի կառավարական հիվանդանոցի գլխավոր բժիշկը հաղորդել է Al Jazeera հեռուստաալիքին, հարձակման հետեւանքով զոհվել է 5, վիրավորվել 6 մարդ:
Հյուրանոցի վրա ահաբեկիչների հարձակումից հետո մուտք է գործել անվտանգության ծառայությունը, եւ նրանց միջեւ տեղի է ունեցել փոխհրաձգություն: Հարձակման պատասխանատվությունը ստանձնել է «Բելուջիստանի ազատագրական բանակ» խմբավորումը:
Համաձայն նրանց ներկայացուցչի հայտարարության՝ հարձակումն ուղղված էր չինացի եւ այլ օտարերկրյա ներդրողների դեմ, որոնք բնակություն էին հաստատել այդ հյուրանոցում:
