News
Լրահոս
News
Չորեքշաբթի
Հուլիս 24
Տեսնել լրահոսը

Եվրամիությունը եւ Ադրբեջանը միմյանց հետ բանակցում են, ինչ-որ բանակցում են. մենք, բնականաբար, այդ բանակցությունների կողմ չենք: Այս մասին Բրյուսելում Արեւելյան գործընկերության 10-ամյակին նվիրված Բարձր մակարդակի համաժողովից հետո լրագրողների հետ զրույցում նշեց Հայաստանի ԱԳ նախարար Զոհրաբ Մնացականյանը՝ անդրադառնալով ԵՄ-Ադրբեջան համաձայնագրի շուրջ բանակցություններին:

Հարցին, թե ծանո՞թ է, արդյոք Եվրամիությունը եւ Ադրբեջանը բառընտրության առումով իրենց հայտարարությունները, Ղարաբաղի հետ կապված ձեւակերպումները ինչքանո՞վ են համահունչ եւ բաղդատելի այն ձեւակերպումներին, որ կան Հայաստան-ԵՄ համաձայնագրում, Զոհրաբյանը պատասխանեց. «Մենք ԵՄ-ի հետ ունենք մեր պայմանագիրը, որը Համապարփակ եւ ընդլայնված գործընկերության համաձայնագիրն է, որտեղ արտահայտված են բավական մեծ ծավալով տարբեր հարցեր, ներառյալ տարածաշրջանային անվտանգության հարցը, ներառյալ նաեւ Լեռնային Ղարաբաղին առնչվող պարբերություն։ Եվրամիությունը եւ Ադրբեջանը միմյանց հետ բանակցում են, ինչ-որ բանակցում են։

Բնականաբար մենք կողմ չենք բանակցությունների, եւ այստեղ, ինձ թվում է, Եվրամիության համար բավական կարեւոր հարց է, որքանով են իրենք սկզբունքային եւ հետեւողական իրենց դիրքորոշումների մեջ։ Այդ առումով, նորից կրկնեմ, մենք ունենք մեր պայմանագրային դաշտը, որտեղ Լեռնային Ղարաբաղի հարցն ունի իր արտահայտությունը։ Հուսով եմ եւ վստահ, որ Եվրամիությունը ունի հետեւողականությունը պահպանելու սկզբունքներ»:

Հարցին, թե Հայաստանը որեւէ կոնկրետ վերապահում ներկայացրե՞լ է Եվրամիությանը՝ Ադրբեջանի հետ հնարավոր գործընկերության հետ կապված, ԱԳ նախարարն արձագանքեց. «Նորից կրկնեմ, մենք երրորդ կողմ ենք այս բանակցություններում, եւ հարցն առաջին հերթին վերաբերում է Եվրամիության հետեւողականությանը»:

Ինչ վերաբերում է նրան, որ Ադրբեջանի յուրօրինակ վետոյի շնորհիվ ձախողվել է ընդունել երեք հռչակագիր եւ անհրաժեշտ փաստաթղթեր, քանի որ նրանք ցանկանում էին, ինչպես այսօր բացահայտեց պարոն Մամեդյարովը, որ տարածքային ամբողջականության սկզբունքը եւս ներառված լինի փաստաթղթում, Զոհրաբ Մնացականյանը նշեց, որ Հայաստանն ունի իր օրակարգը ԵՄ-ի հետ եւ ինքը գոհ է արդյունքներից. «նչ վերաբերում է ամփոփմանը, ամփոփումը եղել է տիկին Մոգերինիի կողմից, որը արտահայտում է անդամ պետությունների մոտեցումները, իսկ այն, ինչ վերաբերում է Հայաստանին, արտահայտում է մեր մոտեցումները: Մենք ունենք ամփոփում մեր 10 տարվա գործունեության, որն արտահայտվել է տիկին Մոգերինիի հայտարարության միջոցով։ Մնացածը գործընթաց էր»:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
«Փաստ». Վիզաների ազատականացման «փիառային» բլեֆը
Բայց մի քանի միլիոն դոլարի աջակցության միջոցով անհնար է թուլացնել Հայաստանի կապը ԵԱՏՄ շուկայի հետ...
«Հրապարակ». Գաղտնի պայմանավորվածություննե՞ր են ձեռք բերվել
Բանն այն է, որ ՔՊ-ում էլ խուլ դժգոհություն կա` ամիսներ շարունակ Փաշինյանը նրանց կերակրել է Եվրոպա գնալու...
Հայտնի է Փաշինյան-Բլինքեն-ֆոն դեր Լայեն հանդիպման ժամը
Այցի շրջանակում վարչապետ Փաշինյանը հանդիպում կունենա նաև ԱՄՆ Միջազգային զարգացման գործակալության...
ՀՀ իշխանությունը պետք է որոշի՝ ուզո՞ւմ է, թե ոչ ԵՄ մտնելու թեկնածու դառնալ. Նրանք չեն ձևակերպել այդ խնդրանքը. Դըկոտինյի
Հայաստանը թեքվել է դեպի Եվրոպա. Այդ մերձեցումն արդեն սկսվել է…
Սա պատմական օր է եվրոպական ընտանիքի համար. Արարատ Միրզոյանը շնորհավորել է Վրաստանին, Ուկրաինային և Մոլդովային
Դեկտեմբերի 14-ին Եվրոպական խորհուրդը որոշում է կայացրել Վրաստանին ԵՄ անդամակցության թեկնածուի...
«Դա մի ուղղություն է, որի հետ կապված ես շատ դրական տրամադրվածություն ունեմ». Ալեն Սիմոնյանը՝ եվրաինտեգրման մասին
Ոչ ոք չի կարող ժխտել, որ երբ, օրինակ, մեր գործընկերները աբսուրդի հասնող հայտարարություններ էին անում…..
Ամենաշատ
Ֆոտոռեպորտաժներ