News
Լրահոս
News
Շաբաթ
Օգոստոս 08
USD
485
EUR
573.17
RUB
6.58
ME-USD
0.02
Տեսնել լրահոսը

Մայիսի 15-ից Իրանը պաշտոնապես դադարեցնում է Գործողությունների համատեղ համապարփակ ծրագրի շրջանակում իր պարտավորությունների մի մասի կատարումը: Այս մասին հայտնում է ISNA գործակալությունը՝ վկայակոչելով երկրի Ատոմային էներգետիկայի գործակալության ներկայացուցչին:

Աղբյուրի խոսքով՝ որոշումն ընդունել է Իրանի Ազգային անվտանգության բարձրագույն խորհուրդը. «Մի քանի օրվա ընթացքում հանրությանը կհայտնեն ձեռնարկված քայլերի մասին, մենք նաեւ կհայտարարենք Արաքի եւ Նաթանզի օբյեկտներ լրատվամիջոցների ներկայացուցիչների հասանելիության ծրագրերի մասին»:

Աղբյուրը նաեւ նշել է, որ Թեհրանը, ինչպես նախազգուշացրել է նախկինում, կարող է վերականգնել ուրանի հարստացման աշխատանքները եւ դադարեցնել Արաքում ծանր ջրով գործող ռեակտորի արդիականացումը, եթե գործարքի մասնակիցները 60 օրում չկատարեն համաձայնագրի պահանջները:

Իրանի նախագահ Հասան Ռոհանին մայիսի 8-ին հայտարարել էր ԳՀՀԾ երկու կետերով պարտավորությունների կատարման դադարեցման մասին, որոնք վերաբերում են ծանր ջրի եւ ուրանի ավելցուկը այլ երկրներին վաճառելու անհրաժեշտությանը, եթե վերջինի ծավալը 300 կգ-ից անցնում է: Թեհրանը եվրոպական մասնակիցներից պահանջում է հետեւել գործարքի պայմաններին, որոնք վերաբերում են Իրանի շահերի պաշտպանությանը, այդ թվում՝ բանկային ոլորտի եւ նավթի վաճառքի ոլորտների հարցերում:

ԳՀՀԾ-ն 2015 թվականին կնքվել է մի կողմից Իրանի եւ մյուս կողմից ՄԱԿ ԱԽ մշտական անդամների ու Գերմանիայի միջեւ, սակայն 2018 թվականի մայիսի 8-ին ԱՄՆ-ն գործարքից դուրս է եկել: Այն, մասնավորապես, նախատեսում էր Արաքի ռեակտորի վերակառուցում՝ խաղաղ նպատակներով միջուկային հետազոտություններ անցկացնելու համար եւ ուրանի հարստացման սահմանաչափերի պահպանում մինչեւ 3,67 տոկոսից ոչ ավելի մակարդակ: Դրա դիմաց հանվում էին Թեհրանի դեմ սահմանված ՄԱԿ ԱԽ պատժամիջոցները եւ ԱՄՆ ու ԵՄ սահմանափակող միջոցները:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Թուրքիայի խորհրդարանի խոսնակը դեմ է հանդես եկել Իրանի դեմ ԱՄՆ պատժամիջոցներին համավարակի ֆոնին
«Մենք դեմ ենք այդ պատժամիջոցներին եւ պարզ հասկացրել ենք դա բոլոր միջազգային կազմակերպություններին...
Խամենեին ԱՄՆ նոր պատժամիջոցներն անվանել է Իրանի դեմ հանցագործություն
Եթե ԱՄՆ պայմաններն ընդունվեն, նա նորերը կդնի…
ԱՄՆ-ն ընդլայնում է Իրանի դեմ պատժամիջոցները
Վաշինգտոնը հայտարարել է Թեհրանի դեմ պատժամիջոցների ընդլայնման մասին՝ միջուկային, հրթիռային եւ ռազմական ծրագրերին հակազդելու նպատակով…
Իրանը կշարունակի իր խաղաղ միջուկային ծրագիրը՝ ՄԱԳԱՏԷ-ի հետ համաձայնագրի պայմանների համաձայն
«Մենք կշարունակենք մեր խաղաղ միջուկային ծրագիրը՝ ՄԱԳԱՏԷ-ի հետ հաստատված եւ համաձայնեցված կանոնների եւ դրույթների համաձայն․․․
Չինաստանը կոչ է արել հակազդել Իրանի դեմ ԱՄՆ պատժամիջոցներին
Միջազգային հանրությունը պետք է հակազդի ԱՄՆ-ի կողմից Իրանի դեմ պատժամիջոցների վերականգնմանը…
Դեսպան. միջուկային գործարքը շանսեր չի ունենա, եթե ԱՄՆ-ը պահանջի երկարաձգել Իրանի դեմ զենքի էմբարգոն