News
Լրահոս
News
Շաբաթ
Մայիս 25
Տեսնել լրահոսը

«Ժողովուրդ» թերթը գրում է. «ՀՀ նախագահի եւ ԱԺ մեծամասնության միջեւ եւս մեկ դիմակայություն է սպասվում: Նախագահ Արմեն Սարգսյանը ՍԴ անդամի թափուր տեղի համար խորհրդարան է ներկայացրել ԵՊՀ իրավագիտության ֆակուլտետի պետության եւ իրավունքի տեսության ու պատմության ամբիոնի վարիչ, իրավաբանական գիտությունների դոկտոր, պրոֆեսոր Արթուր Վաղարշյանի թեկնածությունը: Ու սա այն դեպքում, երբ խորհրդարանական մեծամասնությունը ցանկանում է այդ պաշտոնին տեսնել միայն փաստաբան Վահե Գրիգորյանին՝ ՄԻԵԴ-ում «Մարտի 1»-ի գործով տուժածների ներկայացուցչին:

Ավելին՝ ԱԺ իշխող մեծամասնությունը ոչ մեկ անգամ է ուղղակի եւ անուղղակի հասկացրել, որ ուրիշ ում թեկնածությունն էլ ներկայացնի նախագահը, իրենք, միեւնույն է, մերժելու են: Ու չնայած Վահե Գրիգորյանն այս անգամ եղել է նախագահի կողմից ՍԴ դատավորի թափուր պաշտոնի համար նախագահի ներկայացնելիք հավակնորդների թվում, սակայն Արմեն Սարգսյանը նախապատվությունն այլ մարդու է տվել՝ այդպես հակադրվելով խորհրդարանական մեծամասնությանը:

«Ժողովուրդ» օրաթերթի աղբյուրների պնդմամբ՝ «Իմ քայլը» խմբակցությունում այս հարցը թեեւ դեռ չի քննարկվել, սակայն նրանք հակված են առաջիկայում դեմ քվեարկել նաեւ Վաղարշյանին, ինչպես վերջին անգամ դեմ էին եղել Գոռ Հովհաննիսյանի թեկնածությանը:

Չի բացառվում նաեւ, որ այս քայլով Արմեն Սարգսյանը փորձում է իր վրայից գցել պատասխանատվությունը, քաջ իմանալով որ, միեւնույն է, Վաղարշյանին ԱԺ-ն չի ընտրելու, ներկայացնում է նրան, որ երկրորդ անգամ մերժվելուց հետո հանգիստ ներկայացնի արդեն Վահե Գրիգորյանի թեկնածությունը:

Մինչ այդ մեկ փաստ էլ. ամեն դեպքում անհասկանալի է իշխող մեծամասնության պահվածքը, երբ որոշել են այդ պաշտոնում ամեն գնով նշանակել կոնկրետ անձի, եւ հանուն նրա, ըստ էության, երկրորդ անգամ կարժեզրկվի խորհրդարանական ինստիտուտը»:

Առավել մանրամասն՝ թերթի այսօրվա համարում

Տպել
Կարդացեք նաև
Ամբողջը
«Ժողովուրդ». Խորհրդարանական ընդդիմությունը նոր սցենար է մտածում
Մենք տեղեկացանք, որ այս պահին կրկին արտահերթ նիստ հրավիրելու թեման օրակարգում է…
«Ժամանակ». «Ատկատներ»՝ ՊՆ-ում. սա միակ նախարարությունն է, որտեղ Սերժ Սարգսյանի կադրերին ձեռք չեն տվել
Առաջիկայում իշխանությունը մտադիր է անդրադառնալ նաեւ այս ոլորտին, սակայն…
«Հրապարակ». Մի քանի օր առաջ Սերժ Սարգսյանն այցելել է բանտից ազատված Ռոբերտ Քոչարյանի՞ն
Ի դեպ, լուրեր կան, որ առաջին եւ երրորդ նախագահներն էլ են պարբերական հանդիպումներ ունենում, սակայն դա ճշտել մեզ չհաջողվեց…
«Ժողովուրդ». Դատավորները ցանկանում են անվստահություն հայտնել ԲԴԽ բոլոր անդամներին
Ինչ ճակատագիր է սպասվում ԲԴԽ մյուս անդամներին` ցույց կտան զարգացող իրադարձությունները…
«Ժամանակ». Նեմեց Ռուբոյի Շուշիի տունը՝ Արցախի զինվորականության եւ հայաստանցի օլիգարխիայի հավաքատեղի
Օլիգարխիան եւ զինվորականությունը ցանկանում են վերականգնել նախկինում ունեցած իրենց ազդեցությունը եւ արտոնությունները...
«Ժամանակ». Մի խումբ դատավորներ սկսել են բանակցել իշխանության հետ. նրանք պատրաստ են հրաժարական տալ միայն թե…
Չափազանց խելամիտ մոտեցում է, այլապես կարող են եւ´ պաշտոնը կորցնել, եւ´ ունեցվածքը…