Քենիայի ոստիկանությունը հայտնել է սարսափելի գտածոյի մասին. Քենիայի մայրաքաղաք Նայրոբիում գետի մաքրման աշխատանքների ժամանակ հայտնաբերվել են դեռեւս ոչ լիարժեք ձեւավորված նորածինների, ենթադրաբար, երկվորյակների մարմինները պլաստիկ տոպրակում, հաղորդում է BBC News-ը:
Ինչպես հաղորդում է հեռուստաալիքը, վերջին ամիսների ընթացքւոմ դա թվով ութերորդ սարսափազդու գտածոն է: Նորածինները պլաստիկ տոպրակում էին, եւ նրանցից մեկը դեռ շնչում էր, սակայն պտուղը փրկել չէր հաջողվել:
Իրավապահ մարմինները համոզմունք են հայտնել, որ գետի մեջ նետված նորածինները հղիության արհեստական ընդհատման հետեւանք են, որը, հիմնականում, արգելված է երկրում:
Նայրոբիի քաղաքապետ Մայք Սոնկոն կոչ է արել հետաքննել դեպքը՝ հայտարարելով, որ երկրում նման դեպքերն ունեն «մտահոգիչ միտում»:
