News
Լրահոս
News
Երեքշաբթի
Հունիս 18
USD
477.83
EUR
535.7
RUB
7.43
ME-USD
0.15
Տեսնել լրահոսը


Կարծում եմ՝ վարչապետը ոչ մի հակասահմանադրական, անօրինական քայլ կամ հայտարարություն չի արել, ես վստահ եմ, որ նա խորհրդակցել է իրավաբանների հետ: Այս մասին այսօր՝ մայիսի 20-ին, Շենգավիթ վարչական շրջանի ընդհանուր իրավասության դատարանի մոտ NEWS.am-ի հետ զրույցում նշեց ԱԺ «Իմ քայլը» խմբակցության պատգամավոր Հրաչյա Հակոբյանը:

Հարցին, թե արդյոք տեղի ունեցողը դատական համակարգին միջամտություն չի համարում, պատգամավորը պատասխանեց. « Մենք այս ընթացքում տեսանք, թե ինչ քայլերով խոչընդոտվեցին եւ ուղղորդվեցին դատարանները, իսկ դատարանները պետք է ի վերջո լինեն անկախ: Հիմա լրիվ այլ պրոցես է տեղի ունենում, որեւէ դատական գործընթացի չենք միջամտում: Ակցիան, կարծում եմ, Հայաստանում ընդհանուր դատական համակարգի դեմ է: Այս մի տարվա մեջ բազմաթիվ տարբերակներ են տրվել, բայց այդ մի տարին դատական իշխանությունը որեւէ ձեւով չօգտագործեց հօգուտ իրեն»:

Հարցին, թե ինչպես է գնահատում դատավոր Դավիթ Բալայանի հետ տեղի ունեցածը, երբ նա փորձել էր պատուհանից մտնել դատարանի շենք, բայց նրան թույլ չէին տվել, հրել էին եւ նա սայթաքել ու վայր էր ընկել, «Իմ քայլի» պատգամավորը պատասխանեց. «Դա ոտնձգություն չէ, ժողովուրդը խաղաղ ակցիա է իրականացնում, եւ դատավորը փորձում է պատուհանից մտնել ներս: Ուղղակի ակցիայի մասնակիցները թույլ չեն տվել, որ պատուհանից ներս մտնի, գնա աշխատանքի: Ակցիայի բնույթը դա է, որ դատավորները պետք է չգնան աշխատանքի»:

Դիտարկմանը, թե ինչ կանի, եթե իրեն էլ թույլ չտան մուտք գործել Ազգային ժողով, Հրաչյա Հակոբյանն ասաց. «Եթե ժողովուրդը հավաքվի ու ես այլեւս չներկայացնեմ ժողովրդին, եւ ժողովուրդն ինձ չթողնի գնամ աշխատանքի, դա կհամարեմ խաղաղ ակցիա»:

Նա նշեց, որ չգիտի, թե ով է վարչապետին խորհուրդ տվել գնալ նման քայլի:

Հրաչյա Հակոբյանի խոսքով, ինքն այստեղ է եկել որ լինի ժողովրդի կողքին, քանի որ դա իր ընտրատարածքն է. «Քանի որ գիտեմ, որ այսպիսի կոչ է եղել, եկել եմ, որպեսզի հնարավոր բախում լինելու դեպքում հանդարտեցնեմ ժողովրդին, նպատակս դա է»:

Նա ընդգծեց, որ Նիկոլ Փաշինյանն «այնպիսի ղեկավար է, որ չուզեց իր մոտ հրավիրել ինչ-որ դատավորի, չասաց՝ քո դատավորներին կասես՝ էս վճիռը կկայացնես»։

Հրաչյա Հակոբյանը հավելեց, որ եթե երկիրն ունի անառողջ համակարգ, պետք է օր առաջ առողջացման պրոցես սկսվի:

Հիշեցնենք, որ երեկ Նիկոլ Փաշինյանը կոչ էր արել այսօր առավոտյան, ժամը 8.30–ից փակել բոլոր դարանների մուտքերն ու ելքերը։ Նա նաեւ հայտնել էր, որ 12։00-ին ուղիղ եթերով ելույթ կունենա՝ դատաիրավական համակարգում հաստատված իրավիճակի եւ այս ասպարեզում եւս ժողովրդի իշխանությունը հաստատելու մասին:

Վարչապետի կոչը մի շարք հասարակական կազմակերպություններ որակել են որպես սահմանադրական կարգի տապալում։ Հայտարարություններով են հանդես եկել մի շարք կուսակցություններ, այդ թվում ՀՀԿ-ն ու ՀՅԴ-ն:

Տպել
Կարդացեք նաև
Ամբողջը
Եթե բախտ վիճակվեր ունենալ ուժեղ ԱԺ, կտեսնեինք մասնագիտական քննարկում. Արսեն Բաբայանը հարցեր է ուղղել Վահե Գրիգորյանին
Նա ներկայացրել է հարցեր, որոնք, իր համոզմամբ, պետք է հնչեցնեն պատգամավորները և որոնց պատասխանները պարտավոր է խորհրդարանում հնչեցնել ՍԴ դատավորի թեկնածու Վահե Գրիգորյանը...
«Ամազոնի ցեղերի ու մի քիչ էլ մեր իշխանությունների մասին». Արփինե Հովհաննիսյան
Այս հետազտությունը բուռն քննարկումների ալիք բարձրացրեց ..
Արդարադատության բարեփոխումների համար զգալի գումարներ կտրամադրվեն. ԵՄ դեսպան
Դա հրատապ գումար է, որը բավական կարճ ժամանակում պետք է հատկացվի հստակ նպատակների համար․․․
Կարող է և նոր առաջարկ լինել․ Արարատ Միրզոյանը՝ Զեյնալյանի նոր պաշտոնի հնարավորության մասին
Միրզոյանը նշեց, որ եթե իրեն ընտրեն վարչության նախագահ, ինքը հակված է ինքնաբացարկ հայտնելու․․․
Եթե պատերազմ եք ուզում, կարող է հանկարծ ստանաք այն ու այս անգամ Ծառուկյանն էլ չի փրկի ձեզ. Ուրիխանյան
ԲՀԿ-ի պարբերաբար սայթաքելու պատճառը հենց այն է, որ որոշ լպրծուններ քծնանքով ու գործընկերներին վատաբանելով են միայն կարողանում իրենց տեղը պահպանել...
Պետք չէ վախենալ «իզմ»-երից. եկել է հեղափոխության գաղափարախոսությունը բյուրեղացնելու ժամանակը. Արման Եղոյան
Սա հեղափոխությունից հետո կուսակցության առաջին համաժողովն է եւ համոզված եմ, որ այն նոր օրակարգ ու լիցք է տալու հեղափոխությանը...
Ամենաշատ