News
Լրահոս
News
Հինգշաբթի
Հոկտեմբեր 17
USD
476.76
EUR
526.2
RUB
7.42
ME-USD
0.07
Տեսնել լրահոսը

Ադրբեջանի իշխանությունները որոշել են Բաքվում Եվրոպա լիգայի եզրափակչի անցկացումից առավելագույնը «քամել»:

Այս տարի ՈՒԵՖԱ-ն պատմության մեջ առաջին անգամ Եվրոպա լիգայի Տրոֆի-տուր է կազմակերպել, որն ամբողջ Եվրոպայում ֆուտբոլային երկրպագուներին հնարավորություն է տվել տեսնելու նվիրական գավաթը: Այն մեկնարկել էր Ժնեւում, այցելել Սեւիլիա, Բեռլին, Լոնդոն, Միլան, Մոսկվա, Փարիզ եւ ավարտվել Ադրբեջանի մայրաքաղաք Բաքվում:

Ինչպես հայտնում է news.day.az-ը, գավաթը Բաքու է հասել մայիսի 18-ին եւ հաջորդ օրը ուղեւորվել է Գյանջա, իսկ այնուհետեւ՝ Չոջուխ Մարջանլու:

Հիշեցնենք, որ այս գյուղը ադրբեջանցիները հնարամտորեն ազատագրել են իրենք իրենցից: Փաստորեն, գյուղը երբեք չի եղել Լեռնային Ղարաբաղի վերահսկողության ներքո, բայց Ադրբեջանի իշխանությունները հայտարարել են գյուղի ազատագրման մասին եւ իրենք էլ դրան հավատացել են, իսկ հիմա փորձում են ուրիշներին էլ ստիպել հավատալ սեփական հորինվածքին:

Գյուղի երեխաների համար, որոնք սեփական աչքերով են տեսել Եվրոպա լիգայի գավաթը, կարելի է միայն ուրախանալ: Բայց, ընդհանուր առմամբ, ակնհայտ է զուտ սպորտային միջոցառումից առավելագույն քաղաքական դիվիդենտներ քամելու երկրի իշխանությունների ձգտումը: Առայժմ այս մտահղացմանը հաջողությունն այնքան էլ չի ուղեկցում:

Ադրբեջանի իշխանությունները նախ ոչ պաշտոնապես արգելեցին հայազգի երկրպագուների մուտքը: Վրդովվեցին իրենք՝ երկրպագուները, վրդովվեց Հայաստանի ԱԳՆ-ն: Ի պատասխան հետեւեց Ադրբեջանի ԱԳՆ կեղծավոր հայտարարությունն այն մասին, որ, իբր, ոչ ոք չի արգելել երկրպագուների ժամանումը, եւ ընդհանրապես Հայաստանն է իր «սադրիչ նպատակների» համար օգտագործում «լոնդոնյան «Արսենալի» խաղացող Հենրիխ Մխիթարյանին: Ադրբեջանի ֆուտբոլային ֆեդերացիաների ասոցիացիայի գլխավոր քարտուղար Էլհան մամեդովը խոր ափսոսանք էր հայտնել Բաքու ուղեւորությունից Մխիթարյանի հրաժարվելու որոշման կապակցությամբ: «Մենք շատ ենք ափսոսում այդ չհիմնավորված որոշման կապակցությամբ, որն ընդունվել է, ինչպես հասկանում ենք, «Արսենալի» հետ միասին, իր խաղացողի եւ նրա ընտանիքի հետ: Թեեւ մենք ընդունում ենք թիմի հետ չմեկնելու խաղացողի անձնական որոշման իրավունքը, դրա հետ մեկտեղ կցանկանայինք եւս մեկ անգամ ընդգծել, որ Ադրբեջանը որպես ընդունող երկիր պատշաճ կերպով տրամադրել է բոլոր երաշխիքները, որոնք կապված են պարոն Մխիթարյանի անվտանգության ապահովման հետ, ինչպես պահանջում էր ՈՒԵՖԱ-ն: Ոչ մի պատճառ չկա կասկածի տակ դնելու Ադրբեջանի տրամադրած երաշխիքների լրջությունը», - ասել է Մամեդովը:

Ադրբեջանի իշխանությունների գործողություններն արդեն բացասական արձագանք են առաջացրել, ընդ որում՝ ոչ միայն Հայաստանում:

«Եթե Ադրբեջանը նման մակարդակի միջոցառում է ստանձնում, ապա այնտեղ պետք է իրենց հաշիվ տան, որ իրենք պարտավոր են ապահովել դրա նորմալ անցկացումը, չխոսելով անվտանգության մասին: Իսկ եթե, օրինակ, հանդիպման մրցավար նշանակվի հա՞յ կամ օրինակ ֆրանսահա՞յ: Եթե նման դեպքերում պատրաստ չեն ապահովել անհրաժեշտ միջոցները նորմալ անցկացման համար, ապա չի կարելի հավակնություններ ներկայացնել: Սա զվարճանքի ինդուստրիա է, չեք կարող՝ մի արեք»,- «Էխո Մոսկվի» ռադիոկայանի եթերում «Ֆուտբոլային ակումբ» հաղորդման ժամանակ ասել է հայտնի բլոգեր եւ լրագրող Վասիլի Ուտկինը:

Փաստացի Ադրբեջանը իրեն պահում է հայտնի անեկդոտի օձի պես՝ գիտի, որ կարող է վնասվել, բայց չի կարողանում իրեն զսպել եւ չխայթել:

Եվրոպա լիգայի եզրափակիչը, ինչպես հայտնի է, տեղի կունենա Բաքվի Օլիմպիական մարզադաշտում եւ կսկսվի Բաքվի ժամանակով 23:00-ին:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ադրբեջանի նախագահը հերթական անգամ լկտիաբար խոսեց Հայաստանի նկատմամբ տարածքային պահանջների մասին. փորձագետ
Փորձագետը հիշեցրեց, որ նախօրեին Բաքվում կայացած հանդիպման ժամանակ մի շարք վտանգավոր թեզեր են հնչեցվել...
Սլովակիայում դեկտեմբերին հնարավոր է կայանա Հայաստանի եւ Ադրբեջանի ԱԳ նախարարների հանդիպումը
Ցանկության դեպքում մենք պատրաստակամ ենք` կազմակերպելու այդ հանդիպումը…
Բակո Սահակյանն ընդունել է ԵԱՀԿ Մինսկի խմբի համանախագահներին
Քննարկվել են ադրբեջանա-ղարաբաղյան հակամարտության կարգավորմանը, Արցախի ու Ադրբեջանի սահմաններում տիրող իրավիճակին առնչվող հարցեր...
«Քաղաքականության մեջ կարող է նման բացթողում լինել». Բալասանյանը՝ «Աղդամը մեր հայրենիքը չէ» արտահայտության մասին
Այնպես չէ, որ Սերժ Սարգսյան ասել է՝ Աղդամը մեր հայրենիքը չէ եւ դա եղել է բանակցային սեղանին դրված փաստաթուղթ...
Փաշինյանը հայտարարեց՝ «Արցախը Հայաստան է եւ վերջ». դրանով երեւի ուզեցել է ասել, որ ես եմ ձեր ղեկավարը.Վիտալի Բալասանյան
Պետք չի հրաժարվել այն փաթեթից, որ կար մինչեւ իր իշխանության գալը...
Եթե «Արցախը Հայաստան է և վերջ»-ի նպատակն է, որ Երևանը որոշի, թե Արցախում ով ինչ ազդեցություն ունենա, դա խնդիր է.Մանոյան
Իսկ եթե Արցախը Հայաստան է եւ վերջ, ստորագրեք վերջանա, ինչի՞ չեք ստորագրում...
Ամենաշատ