Մոլդովայի նախագահ Իգոր Դոդոնը հայտարարել է, որ հանրապետությունը շահագրգռված է Եվրասիական տնտեսական միության (ԵՏՄ) հետ համագործակցության ընդլայնմամբ: Երկրի ղեկավարը երկուշաբթի այս մասին հայտարարել է ՏԱՍՍ-ի թղթակցի հետ զրույցում մայիսի 29-ին Նուր-Սուլթանում կայանալիք Եվրասիական տնտեսական հանձնաժողովի գագաթնաժողովի նախաշեմին:
«Մեզ համար շատ հետաքրքիր են բոլոր ինտեգրացիոն գրոծընթացները, որոնք անցկացվում են ԵՏՄ շրջանակում: Մենք միակ երկիրն ենք, որը այդ կազմակերպությունում դիտորդի կարդավիճակ է ստացել, կշարունակենք աշխատել այդ ուղղությամբ», - ասել է Դոդոնը: Նա ներկայացրել է վիճակագրություն, որի համաձայն Մոլդովայի եւ ԵՏՄ երկրների միջեւ ապրանքաշրջանառությունն անցյալ տարի ավելացել է 10 տոկոսվ, իսկ հունվարից մինչեւ մարտ՝ եւս 3.5 տոկոսով:
Նախագահը, որն անցյալում փոխվարչապետ էր եւ կառավարում էր տնտեսությունը, արտահայտվել է ԵՏՄ հետ երկրի համագործակցության հետագա ակտիվացման մասին, որի կազմի մեջ մտնող երկրները ամեն տարի մոտ 30 մլրդ դոլարի պարենամթերք եւ գյուղատնտեսական ապրանքներ են ներկրում: Նա նշեց, որ այդ արտադրանքը մոլդովական արտահանման հիմնական մասն է:
«Այսօր հանրապետությունն այն վաճառում է մոտ 1 մլրդ-ի եւ կարող է ԵՏՄ հաշվին զգալիորեն ավելացնել մատակարարումները:
Համագործակցության մեծ ներուժ կա նաեւ էներգետիկ ոլորտում, որտեղ այս կազմակերպության անդամների համար արտոնյալ գներ են գործում», - ասել է պետության ղեկավարը: Նա կարեւորել է նաեւ այլ կարեւոր ուղղություններ` աշխատանքային միգրացիայի, ֆինանսների եւ այլ ոլորտներում համագործակցությունը:
Մոլդովայի ղեկավարը կարեւոր է համարում, որ հանրապետությունը ԵՏՄ հետ աշխատի որպես դիտորդ երկիր եւ կառավարության մակարդակում, որը պետք է ձեւավորվի փետրվարին կայացած խորհրդարանական ընտրությունների արդյունքներով:
Դոդոնի նախաձեռնությամբ 2018-ի մայիսի 14-ին ԵՏՄ երկրների ղեկավարների գագաթնաժողովին հանրապետությանը այդ կազմակերպության դիտորդի կարգավիճակ էր տրվել: