News
Լրահոս
News
Երկուշաբթի
Հուլիս 22
USD
476.48
EUR
535.52
RUB
7.56
ME-USD
0.17
Տեսնել լրահոսը

Աշխարհում  բարդ տնտեսական վիճակը ԵՏՄ անդամ երկրներին չի խանգարում զարգացնել տնտեսությունները: Այս մասին մայիսի 27-ին լրագրողների հետ հանդիպման ժամանակ հայտարարեց Հայաստանում Ղազախստանի արտակարգ եւ լիազոր դեսպան Թիմուր Ուրազաեւը:

Նրա խոսքով, այս մասին վկայում են նաեւ  ԵՏՄ շրջանակում տնտեսական ցուցանիշները, տնտեսական աճը ինչպես Հայաստանում, այնպես էլ Ղազախստանում: «Վերջին 14 տարիների ընթացքում Ղազախստանի ներդրումները Հայաստանում կազմել են 50 մլն դոլար: Մեր երկրների միջեւ ապրանքաշրջանառության մշտական աճ է նկատվում: Եթե 2017 թվականին ապրանքաշրջանառությունը աճել է 2.7 միլիոն դոլարով (մոտ 27 տոկոս), ապա 2018 թվականին այն արդեն աճել է ավելի քան 50-52 տոկոսով: Առաջնահերթություններից մեկը ԵՏՄ շուկայում ապրանքների շրջանառության մոնիթորինգի թվայնացումն է՝ հաշվի առնելով, որ գլխավոր խնդիրներից են տրանսպորտը եւ լոգիստիկան», - նշեց նա:

Դեսպանն ասաց, որ Ղազախստանը հետաքրքրված է ՏՏ ոլորտում Հայաստանի ձեռքբերումներով, մասնավորապես, «Թումո» դպրոցով՝ հույս հայտնելով իր երկրում նրա մասնաճյուղի բացման կապակցությամբ: Ղազախ ներդրողները որոշակի հետաքրքրություն ունեն կոնյակի արտադրության, ոսկերչության, ինչպես նաեւ բենզինային արտադրանքի վերամշակման եւ ներմուծման ոլորտում:

 Տեղեկություն կա, որ 2-3 ղազախական ընկերություններ հետաքրքրություն են հայտնել հայկական շուկայում բենզինի արտադրանքի մուտք գործելու կապակցությամբ, սակայն դեռ վաղ է խոսել վերջնաժամկետների եւ մտադրության մասին, քանի որ անհրաժեշտ է ուսումնասիրել հայկական շուկան, որը, ինչպես գիտեք, շատ մեծ չէ, ինչի հետ կապված կարող են  որոշակի դժվարությունների առաջանալ», - հավելեց Ուրազաեւը:

Դեսպանի խոսքով, Հայաստանից Ղազախստան  ներմուծումն ավանդական է, այստեղ եւս մշտական աճ է նկատվում:

«Եթե հայկական ապրանքների արտահանման կառուցվածքը Ղազախստան կայուն է, ապա ղազախական ապրանքների արտահանումը Հայաստան անընդհատ փոփոխվում է, ինչը լավ հիմք է հանդիսանում առանձին  ընկերությունների գործունեության համար, որոնք կարող են երկրների միջեւ ապահովել ավելի սերտ տնտեսական հարաբերություններ», - ասաց նա:

Դեսպանը հայտնեց, որ շուտով Հայաստանում կգործի Ղազախստանի հյուպատոսություն, որը կաշխատի երկու պետությունների միջեւ ուղիղ բիզնես ծրագրերի մշակման ուղղությամբ:

 «Այս տեսանկյունից արդեն որոշակի ուղղություններ են նախանշվել, մասնավորապես` տուրիզմի, ղազախական արտադրանքի ներմուծման ոլորտում (էլեկտրական սարքավորումներ): Բացի այդ, հյուպատոսը կզբաղվի մշակութային եւ հումանիտար համագործակցության զարգացմամբ», - եզրափակեց դիվանագիտական առաքելության ղեկավարը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ԵՏՄ-ում պետությունների փոխարժեքային քաղաքականության հարցով Խորհրդատվական խորհուրդ կստեղծվի
Համաձայնագրի նախագծում նշված են Խորհրդի խնդիրները, գործառույթները, կազմը եւ լիազորությունները, ինչպես նաեւ հաստատվել է որոշումների ընդունման կարգը եւ ընթացակարգը...
Եվրասիական տնտեսական հանձնաժողովի ներկայացուցիչը և ՀՀ էկոնոմիկայի նախարարը խորհրդակցություն են անցկացրել
Քննարկվել են ԵԱՏՄ անդամ երկրների գյուղարտադրանքի պահանջարկի և առաջարկի կանխատեսումների վերաբերյալ հաշվարկի մեխանիզմներն ու մոտեցումները...
ԵՏՀ-ի նախարարը նշել է ԵԱՏՄ երկրների համագործակցության զարգացման խնդիրները
Այսպես, արդյունաբերության ոլորտի ձեռնարկությունները, ինչպես նաեւ գիտատեխնիկական կազմակերպությունները, ինժեներական եւ առեւտրային ընկերությունները…
ԵՏՄ երկրները կարող են քննարկել անդրազգային կորպորացիաների ստեղծման հարցը. ԵՏՀ նախարար
Եվրասիական տնտեսական հանձնաժողովը քննարկում է պիլոտային նախագծեր...
ԵՏՄ նախարարները պայմանավորվել են սուպերկոնդենսատորներ թողարկող ընկերության ստեղծման մասին
Համանման միավորող ուղղությունների ստեղծումը խթան է, որպեսզի ԵՏՄ-ն «ամրանա ոչ միայն քաղաքական բաղադրիչով, այլեւ տնտեսական»…
Իրանի նախագահը կարգադրել է իրագործել ԵՏՄ-ի հետ ԱԱԳ ստեղծելու ժամանակավոր համաձայնագիրը
Ռոհանին կարգադրել է ազատ առեւտրի գոտի ստեղծել ԵՏՄ-ի հետ...