Երեւանում, այսօր՝ մայիսի 30-ին, հրդեհի դեպք է տեղի ունեցել. ժամը 10։00-ի սահմաններում ԱԻՆ փրկարար ծառայության 9-11 օպերատիվ կառավարման կենտրոն ահազանգ է ստացվել, որ հրդեհ է բռնկվել նախկին ոստիկանության կենտրոնական բաժնի Իսրայելյան 39 հասցեում։

Shamshyan.com-ի  հաղորդմամբ, օպերատիվորեն ժամանել է ԱԻՆ 2 մարտական հաշվարկ:

Հրշեջները նախ կանխել են շենքի 3-րդ հարկում առաջացած կրակի տարածումը, ապա մարել այն։ Նրանք տեղում բուժօգնություն ցուցաբերեցին նշված շենքում բնակվող քաղաքացուհուն, ով նշել է, որ 6 անգամ շենքում հրդեհ է եղել թափառաշրջիկների պատճառով։

«Ես վատառողջ ու սոցիալապես անապահով կին եմ։ Անչափահաս երեխայիս խնամում եմ միայնակ՝ չհաշված 80-ն անց մորաքույրս։ Ի՞նչ անենք, ո՞ւմ դիմենք, որ էս պրոբլեմը վերջապես լուծեն։ Գոհ ենք միայն հրշեջ-փրկարարներից, Կենտրոնի ոստիկաններից ու բժիշկներից»,-ասել է կինը:

Թե ինչն է եղել հրդեհի պատճառը, դա պարզ կլինի մի շարք փորձաքննություններ կատարելուց հետ։