Հայաստանում մայիսի 31-ին տեղի է ունենում «Ֆերմերների կոնգրես» համաժողովը։ Միջոցառումը ֆինանսավորվում է ԵՄ-ի կողմից «Մասնակցության քաղաքականություն, կայուն գյուղատնտեսություն» ծրագրի շրջանակում։
Նախագծի հիմնական նպատակը աջակցությունն է գյուղատնտեսության կայուն զարգացմանը Հայաստանում ագրարային քաղաքականության բարելավման միջոցով։ Համաժաղովին մասնակցում են մոտ վեց հազար ֆերմերներ եւ կոոպերատիվների ներկայացուցիչներ Հայաստանի տարբեր մարզերից, ինչպես նաեւ տեղական եւ միջազգային կազմակերպությունների ներկայացուցիչներ, որոնք ներգրավված են սեկտորի զարգացման գործում։ Նախաձեռնության նպատակը երկխոսության հարթակի ստեղծումն է ֆերմերների եւ ճյուղի ղեկավարների միջեւ եւ տեղեկացվածության բարձրացումը առանցքային խնդիրների եւ դրանց լուծման ուղիների մասին։ Այս ծրագրի շրջանակում «Գյուղատնտեսական միությունը» հանդիպումներ է անցկացրել «Town Hall» ձեւաչափով Հայաստանի 4 մարզում՝ ավելի քան 400 շահագրգիռ կողմերի մասնակցությամբ։ Բացի այդ, անցկացվել են թիրախային խմբերի քննարկումներ գյուղատնտեսական կոոպերտավիների ներկայացուցիչների մասնակցությամբ Հայաստանի 10 մարզում, որոնց հիման վրա «Գյուղատնտեսական միության» փորձագիտական խումբը մշակել է չորս առաջարկություն պարունակող փաթեթ՝ ուղղված այն հատվածների քաղաքականության բարելավմանը, որոնք կներկայացվեն քննարկման ընթացքում։
Առաջարկվում է ներդնել գյուղատնտեսական վարկավորման սուբսիդավորում՝ հաշվի առնելով յուրաքանչյուր մարզի կլիմայական առանձնահատկությունները, բարձրացնել վարկավորման մասնաբաժինը ոլորտում, մոնիթորինգ իրականացնել, հասանելի վարկեր տրամադրել գյուղատնտեսության նախարարությանը հող գնելու համար, բարձրացնել ֆինանսական գրագիտությունը։ Բացի այդ, առաջարկվում է նաեւ ներդնել անասնակերի աջակցության պետական ծրագիր, իրականացնել օրենսդրական փոփոխություններ, այդ թվում Հարկային օրենսգրքում, կոոպերատիվների համար նպաստավոր պայմաններ ստեղծելու համար։ Միջոցառմանը մասնակցում են նաեւ գյուղատնտեսության փոխնախարար Տիգրան Գաբրիելյանը, Հայաստանում ԵՄ պատվիրակության միջազգային օգնության գծով համագործակցության հարցերի պատասխանատու Անդրեա Բաջիոլին։
