Ռուսական գործարար թերթերի՝ ՌԲԿ-ի, «Կոմերսանտի» եւ «Վեդոմոստիի» տպագիր տարբերակները լույս են տեսել միանման առաջին էջով՝ նվիրված էլեկտրոնային պարբերական «Մեդուզա»-ի թղթակից Իվան Գոլունովի գործին, ում մեղադրում են թմրամիջոցների իրացման փորձի մեջ, հայտնում է RT-ն:
Պարբերականների առաջին էջը հետեւյալ գրառումն ունի. «Ես/մենք Իվան Գոլունովն ենք»:
Համատեղ հայտարարության մեջ նշված է, որ խմբագրությունները ողջունում են լրագրողի խափանման միջոցի դատարանի ավելի համարժեք ընտրությունը, քան մեկուսարանում բանտարկելը, սակայն քննության ներկայացրած նրա մեղքի ապացույցները համոզիչ չեն համարում:
Նաեւ ենթադրություն կա, որ Գոլունովի ձերբակալությունը եւ հետագա կալանավորումը կարող են կապված լինել նրա մասնագիտական գործունեության հետ, ինչի հետ կապված պարբերականները պահանջում են ՆԳՆ աշխատակիցների գործողությունների մանրակրկիտ ստուգում:
Հունիսի 8-ին դատարանը Գոլունովին տնային կալանքի էր ենթարկել:
Գոլունովը ձերբակալվել է հունիսի 6-ին Մոսկվայի կենտրոնում: Ստուգման ժամանակ նրա ուսապայուսակում գտել են թմրանյութերով փաթեթ: Գոլունովի խոսքով՝ թմրանյութերը այնտեղ ինչ-որ մեկն է դրել:
Դատական նիստի ժամանակ նա իրեն մեղավոր չի ճանաչել թմրանյութերի իրացման փորձի մեջ, ինչպես նաեւ հայտարարել է, որ պատրաստ է քննության հետ համագործակցել: