News
Լրահոս
News
Կիրակի
Հուլիս 12
USD
486.73
EUR
549.62
RUB
6.84
ME-USD
0.02
Տեսնել լրահոսը

Առողջապահության համաշխարհային կազմակերպությունը (ԱՀԿ) եւ Մանկական հիմնադրամը (ՅՈւՆԻՍԵՖ) համաշխարհային հանրությանը կոչ են արել ավելացնել ներդրումները ջրամատակարարման, սանիտարիայի եւ հիգիենայի (ՋՍՀ) ծառայությունների զարգացման գործում, որպեսզի ավելի արդյունավետ պայքարեն վարակիչ հիվանդությունների դեմ։ Երեքշաբթի Ժնեւում հրապարակված զեկույցում նրանք տագնապով նշում են, որ 2,2 մլրդ մարդ խմելու մաքուր ջրի հասանելիություն չունի, 4,2 մլրդ մարդու հասանելի չեն սանիտարական ծառայությունները, իսկ 3 մլրդ մարդ զրկված է ձեռքերն օճառով լվանալու հնարավորությունից ընտանեկան պայմաններում, տեղեկացնում է ՏԱՍՍ-ը։

ԱՀԿ-ն եւ ՅՈւՆԻՍԵՖ-ը միասին մշտադիտարկում են Հազարամյակի զարգացման նպատակների կատարումը, որոնք վերաբերում են խմելու ջրին եւ սանիտարիային։ Նրանց զեկույցից, որը պատրաստվել է Մշտադիտարկման համատեղ ծրագրի շրջանակում, երեւում է, որ, չնայած ՋՍՀ-ին մարդկության ունիվերսալ հասանելիության հարցում առկա առաջընթացին, դեռեւս գոյություն ունեն «բազմաթիվ խնդիրներ տրամադրվող ծառայությունների ոլորտում»։ Զեկույցի համաձայն՝ 2000 թվականից 1,8 մլրդ մարդու հասանելի են դարձել ջրամատակարարման, 2 մլրդ մարդու՝ սանիտարական ծառայությունները։ Միեւնույն ժամանակ, գոյություն ունի «մեծ անհավասարություն այդ ծառայությունների առկայության, հասանելիության եւ որակի հարցերում»։ ՄԱԿ գնահատականներով՝ 785 մլն մարդ չունի ջրամատակարարման բազային ծառայություններից օգտվելու հնարավորություն, նրանցից 144 մլն-ը ստիպված է ջուր խմել գետերից, լճերից ու այլ աղբյուրներից, որոնք վարակազերծման չեն ենթարկված։

Ավելի քան երկու անգամ 2000 թվականից ի վեր 23 տոկոսից 9 տոկոսի է նվազել բնակչության թվաքանակը, որն արտաթորում է դրսում, նշվում է զեկույցում։ 23 երկրներում այս երեւույթը ХХI դարում, ըստ էության, հասել է զրոյի։ Այնուամենայնիվ, 673 մլն մարդու համար իրավիճակը մոլորակի վրա մնում է նույնը։ 39 երկրներում նկատվում է բաց արտաթորման աճ 2000 թվականից, հիմնականում Սահարայից հարավ գտնվող երկրներում, որտեղ այս ընթացքում բնակչության թիվն ավելացել է։

Տան պայմաններում օճառով ձեռքերը լվանալու հնարավորություն չունի 3 մլրդ մարդ, նշում են ԱՀԿ-ն եւ ՅՈւՆԻՍԵՖ-ը։ Ամենապակաս զարգացած երկրներում այդ հնարավորությունից զրկված է բնակիչների գրեթե երեք քառորդը։ Զեկույցում ասվում է, որ ամեն տարի մինչեւ 5 տարեկան 297 հազար երեխա մահանում է փորլուծությունից, որը պատշաճ սանիտարիայի եւ հիգիենայի բացակայության հետեւանք է։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Չինաստանը միացել է զենքի առեւտրի միջազգային պայմանագրին․․․
Չինաստանը, որն իր պլանների մասին հայտարարել էր սեպտեմբերին, դառնում է պակտի 107-րդ կողմը․․․
ՄԱԿ ԱԽ-ն ընդունել է բանաձեւ, որով կոչ է անում դադարեցնել հակամարտությունները` COVID-19-ի դեմ պայքարը հեշտացնելու համար
Բանաձեւը, որը պատրաստել են Ֆրանսիան եւ Թունիսը, կոչ է անում «անհապաղ դադարեցնել ռազմական գործողությունները բոլոր իրավիճակներում»․․․
Պառլամենտարիզմի միջազգային օրը
ԱՄՆ-ը եւ Սաուդյան Արաբիան համաշխարհային հանրությանը կոչ են արել երկարաձգել Իրանի հանդեպ ՄԱԿ-ի էմբարգոն
Իրանի հարցով ԱՄՆ հատուկ ներկայացուցիչ Բրայան Հուքն ընդգծել է, որ արգելքի վերացումը միայն կավելացնի Թեհրանի համարձակությունը, կուժեղացնի անկայունությունը եւ կհանգեցնի սպառազինությունների տարածաշրջանային մրցավազքի․․․
ՄԱԿ-ը տարածել է Ժնեւի կոնվենցիաների արձանագրությունների կատարման վերաբերյալ Արցախի զեկույցը
Արեւմտյան ափի հատվածների անեքսիայի Իսրայելի ծրագիրն աղետ կդառնա. ՄԱԿ ՄԻ հարցերով գերագույն հանձնակատար
Անեքսիայի ստույգ հետեւանքները անհնար է կանխատեսել…