News
Լրահոս
News
Կիրակի
Հուլիս 21
USD
476.48
EUR
535.52
RUB
7.56
ME-USD
0.17
Տեսնել լրահոսը

Շերեմետեւո օդանավակայանում Sukhoi Superjet 100-ի աղետի տեսանյութը տարածել է ոստիկանության երկու կապիտան, որոնցից մեկը հեռացվել է աշխատանքից, տեղեկացրել է ՌԴ Պետդումայի պատգամավոր Անդրեյ Ալշեւսկին՝ հղում կատարելով իր հարցմանը ՆԳՆ պաշտոնական պատասխանին, որի սքանը նա հրապարակել է Ֆեյսբուքում, տեղեկացնում է ՌԻԱ «Նովոստի»-ն։

«Ահա եւ պարզվեց, թե որտեղից է ինտերնետում հայտնվել «Սուպերջեթի» աղետի տեսանյութը Շերեմետեւոյի հսկման տեսախցիկներից։ Հարցումս ստանալով՝  ՆԳՆ-ն պարզել է, որ տեսանյութը տարածել է ոստիկանության երկու կապիտան Գաղտնի՝ ի լուր աշխարհի, նրանց մասին է ասված։ Ինչի համար էլ վճարել են։ Մեկին ազատել են իրավապահ մարմիններում աշխատանքից, երկրորդը կարգապահական նկատողություն է ստացել»,- գրել է պատգամավորը։

ՆԳՆ պատասխանում նշվում է, որ ոստիկանության աշխատակիցներից մեկը տեսանյութն ուղարկել է WhatsApp մեսենջերով իր ծանոթներին։ Արդյունքում՝ տեսանյութը «լայն հանրային ռեզոնանս է առաջացրել՝ բացասական հետեւանքներով»։

«Ռուսաստանի ՆԳՆ գծային վարչության աշխատակիցների գործողություններում Շերեմետեւո օդանավակայանում վարչական իրավախախտում կամ հանցագործություն չի գրանցվել։ Միեւնույն ժամանակ, այս արարքը հակասում է այն պահանջներին, որոնք ներկայացվում են պրոֆեսիոնալ վարքագծին եւ ծառայողական գործունեության բարոյաէթիկական հիմքերին»,- նշվում է փաստաթղթում։

Մոսկվա-Մուրմանսկ չվերթի SSJ100 ինքնաթիռը մայիսի 5-ի երեկոյան անհապաղ վերադարձել էր Շերեմետեւո եւ վթարային վայրէջք կատարել թռիչքի 28 րոպեից հետո։ Վայրէջքի ժամանակ կոտրվել են նրա կանգնակները, այրվել է շարժիչը։ Ռուսաստանի Հիդրոմետկենտրոնի տվյալներով՝ այդ օրը Մերձմոսկվայում ամպրոպ է եղել։ ՌԴ ՔԿ տվյալներով՝ աղետի հետեւանքով զոհվել է 41 մարդ ինքնաթիռում գտնվող 78 մարդուց։ Որպես կատարվածի հիմնական վարկած նշվում է օդաչուների, կարգավարների եւ տեխզզնում իրականացրած անձանց անբավարար որակավորումը, ինչպես նաեւ ինքնաթիռի անսարքությունն ու մետեոպայմանները։ 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Տավուշի մարզում բախվել են Opel-ն ու ՎԱԶ 21-06-ը. կա 4 վիրավոր (ֆոտո)
Ավտոմեքենաները վերածվել են մետաղե ջարդոնի…
Հնդկաստանում ամբոխը հաշվեհարդար է տեսել սիրամարգերի սպանության մեջ մեղադրվող տղամարդու հետ
Ամբոխը դաժան հաշվեհարդար է տեսել տղամարդու հետ...
Զոդի կամրջի մոտ վթարից տուժած 37-ամյա Ռուզաննան եւ 28-ամյա Գագիկը տեղափոխվել են հիվանդասենյակ
Նշենք, որ 37-ամյա Ռուզաննա Հակոբյանը եւ 28-ամյա Գագիկ Ղուկասյանը Սուրենավան գյուղից են…
Կրակել են անգամ նորածին ձագեր ունեցող շանը. Էջմիածնում շների են սպանել (ֆոտո)
Արդեն մոտ 10 դի ենք տեսել…
Լոռու մարզում 62-ամյա վարորդը ՎԱԶ-21099-ով հայտնվել է դաշտում
Վթարի հետևանքով վարորդ Վ.Մ.-ն, ուղևորներ, Վաղարշապատ քաղաքի բնակիչներ, 37-ամյա Թ.Մ.-ն և 16-ամյա…
Խոշոր վթար Արմավիրի մարզում. Nissan-ը դուրս է եկել հանդիպակաց գոտի եւ բախվել Lexus-ին, կան վիրավորներ (ֆոտո)
Բախման հետևանքով Lexus-ի վարորդը չկարողանալով կառավարել ավտոմեքենան, բախվել է հաստաբուն ծառին…