«Սեբաստիա» մանկապարտեզ-դպրոց կրթահամալիրի շենքը կվերադարձվի Երեւան համայնքին:
«Հունիսի 30-ին ծանուցման ժամկետը լրանում է, եւ Երեւանի քաղաքապետարանը միակողմանի լուծում է պայմանագիրը՝ մանկապարտեզը վերադարձնելով համայնքին»,- ավագանու հետ հարցուպատասխանի ժամանակ տեղեկացրել է քաղաքապետի տեղակալ Տիգրան Վիրաբյանը:
Մալաթիա-Սեբաստիա վարչական շրջանում գտնվող Վերոնիկա Գեւորգյանի անվան «Սեբաստիա» մանկապարտեզ-դպրոց կրթահամալիրի շենքն ու հողատարածքը 2008 թվականին 50 տարի ժամկետով անհատույց օգտագործման է հանձնվել «Ալեքսանյանների ընտանիք» բարեգործական հասարակական կազմակերպությանը:
