Չորս թեկնածուներ Գերմանիայից, Իսպանիայից, Իտալիայից եւ Չեխիայից հավակնում են Եվրախորհրդարանի նախագահի պաշտոնին։ Այս մասին ասվել է երեքշաբթի կառույցի մամուլի ծառայության տարածած հաղորդագրությունում, տեղեկացնում է ՏԱՍՍ-ը։
Թեկնածուների մեջ են երկու կանայք՝ գերմանուհի Սկա Քելերը «Կանաչներ – Եվրոպական ազատ դաշինքից» եւ իսպանուհի Սիրա Ռեգոն, որը ներկայացնում է «Եվրոպական միավորված ձախեր/Հյուսիսի ձախ կանաչներ» ձախ քաղաքական խումբը, ինչպես նաեւ երկու տղամարդիկ՝ սոցիալիստական ուղղվածության կուսակցությունների «Սոցիալիստների եւ դեմոկրատների առաջադեմ դաշինք» միության նախագահ, իտալացի Դավիթ Սասոլին եւ չեխ Յան Զագրադիլը, որն առաջադրվել է «Եվրոպական պահպանողականներ եւ բարեփոխիչներ» խմբակցության կողմից։
Քաղաքական այլ միությունների թեկնածուների մասին այս պահին չի տեղեկացվում։
Ինչպես հիշեցրել են կազմակերպության մամուլի ծառայությունում, Եվրախորհրդարանի ղեկավարի ընտրությունները տեղի կունենան չորեքշաբթի, գաղտնի քվեարկությամբ։ Հաղթանակի համար թեկնածուն պետք է ստանա ձայների բացարձակ մեծամասնություն։ Եթե ոչ ոք չհաղթի առաջին փուլում, նրանք նոր թեկնածուներին հավասար կարող են նորից առաջադրվել երկրորդ եւ երրորդ փուլերի համար։
